Jean 7:45 - Mbeti ti Nzapa - Tënë so amu fini

⁴⁵ Aturugu ni akiri na tere ti akota wayango-sandaga na *afarizien. Ala hunda aturugu ni, atene: “Ala ga na lo pepe ngbanga ti nyen?”

Jean 7:45 ပူးပေါင်းရင်းမြစ်များ

Matthieu 26:58

Pierre ague na peko ti Jésus, me lo yeke gue nduru nduru pepe; lo gue ngbii lo si na ya ti gbagba ti kota wayango-sandaga. Lo li si lo na azo ti kua ayeke duti na sese na ndo oko, lo yeke ku ti baa wala ye ni ayeke hunzi ande tongana nyen.

Jean 11:46

Me ambeni ague, abaa *afarizien si ala fa na ala peko ti ye so Jésus asara.

Jean 11:47

Tongaso afarizien na akota wayango-sandaga airi *Kota Bongbi ti Fango Ngbanga, ala tene: “Fade e yeke sara nyen? Koli so ayeke sara aye ti kpene mingi!

Jean 7:32

*Afarizien ama atënë so gba ti azo ayeke tene na gbe ti go ti ala na tere ti Jésus. Tongaso akota wayango-sandaga na afarizien atokua aturugu ti gue ti gbu lo.

Jean 9:22

Babâ na mama ti lo atene tënë so, ngbanga ti so mbeto ti azuife asara ala. Andaa azuife ni atene, zo so kue ayeda atene, Jésus ayeke *Mesii, ala yeke tumba lo na ya ti da ti sambelango Nzapa ti ala.