Jean 7:39 - Mbeti ti Nzapa - Tënë so amu fini

³⁹ Jésus ayeke tene tënë ti Yingo-Vuru so fade azo so ama na be na lo ayeke wara. Na ndembe ni so Yingo-Vuru ade ti ga pepe, ngbanga ti so Jésus ade ti wara gonda ti lo pepe.

Jean 7:39 ပူးပေါင်းရင်းမြစ်များ

Abia (Psaumes) 68:18

Apusu ti mbarata ti Nzapa ayeke kutu mingi. Kota Gbia ayeke na popo ti ala, lo yeke na ndo ti lo so ayeke nde si ayeke nzoni kue, tongana ti so lo yeke lani na hoto ti Sinai.

Amato 1:23

So mbi yeke gboto mê ti ala so, ala ma ni si! Tongana ala ma ni, fade mbi yeke sara si yingo ti mbi aga na ndö ti ala, mbi yeke sara si ala hinga tënë ti mbi.

Ésaïe 12:3

Ala yeke to ngu na ngia na li ti ngu so ayeke soo zo na kuâ.

Ésaïe 32:15

Mbeni lâ, fade *KOTA GBIA ayeke tokua yingo ti lo na ndö ti e. Tongaso, benyama ayeke ga yaka so a lu akeke so a yeke te lengo ni si yaka ni ayeke ga mbeni gbako.

Ésaïe 44:3

Biani, fade mbi yeke tuku ngu na ndö ti sese so ayeke na nzara ti ngu, mbi yeke sara titene akete ngu asua na ndö ti holengo sese. Mbi yeke tokua yingo ti mbi na ndö ti amolenge ti mo si mbi yeke sara tufa na ndö ti *ahale ti mo.

Matthieu 16:14

Ala kiri tënë na lo: “Ambeni zo atene, mo yeke Jean-Baptiste, ambeni atene, mo yeke Élie si ambeni nga atene, mo yeke Jérémie wala mbeni wayanga-Nzapa.”

Matthieu 21:11

Gba ti azo ni akiri tënë, atene: “So Jésus laa, wayanga-Nzapa so alondo na Nazaret, na sese ti Galile.”

Nzoni Tënë so Luc asu na mbeti 24:49

Ti mbi, fade mbi yeke tokua na ndö ti ala ye so Babâ ti mbi amu zendo ni. Ti ala, ala ngba na ya ti gbata ni ngbii ala wara ngangu so alondo na nduzu.”

Nzoni Tënë so Luc asu na mbeti 3:16

Jean akiri tënë na ala kue, atene: “Ti mbi, mbi yeke batize ala na ngu, me lo so lo yeke ga ande, ngangu ti lo ahon ti mbi: mbi kpa zo ti zi akamba ti poro ti gere ti lo pepe. Fade lo yeke batize ala na Yingo-Vuru nga na wâ.

Nzoni Tënë so Luc asu na mbeti 7:16

Mbeto agbu azo ni kue si ala yeke gonda Nzapa, atene: “Mbeni kota wayanga-Nzapa aga na popo ti e awe! Nzapa aga ti baa azo ti lo!”

Jean 1:21

Ala kiri ahunda lo, atene: “Mo yeke ti mo zo wa? Mo yeke Élie?” Jean akiri tënë na ala: “Mbi yeke Élie pepe.” Ala hunda lo, atene: “Mo yeke Wayanga-Nzapa ni?” Jean akiri tënë: “Mbi yeke lo pepe!”

Jean 1:25

Ala hunda lo, atene: “So mo yeke Mesii pepe, mo yeke Élie pepe, mo yeke Wayanga-Nzapa pepe, ka mo yeke batize azo ngbanga ti nyen?”

Jean 1:33

Mbi hinga ti mbi lo kozoni pepe, me lo so atokua mbi ti batize azo na ngu, lo tene: ‘Zo so mo yeke baa ande Yingo azu si aduti na ndö ti lo, lo laa lo yeke batize azo na Yingo-Vuru.’

Jean 12:16

Adisiple ti lo ama ya ti tënë so hio pepe. Me na ndembe so Jésus ali na ya ti gonda ti lo awe, ala dabe ti ala na tënë so Mbeti ti Nzapa atene na ndö ti lo: ye ni kue laa azo asara na lo so.

Jean 12:23

Jésus akiri tënë na ala, atene: “Ngbonga titene a gonda *Molenge ti Zo alingbi awe.

Jean 14:13

Ye so kue ala yeke hunda na iri ti mbi, fade mbi yeke sara ni si azo agonda Babâ na lege ti Molenge ni.

Jean 14:26

Wagbungo-koko ayeke Yingo-Vuru so Babâ ayeke tokua lo na iri ti mbi. Lo laa lo yeke fa ande na ala nda ti aye kue, lo yeke dabe ti ala na tënë so kue mbi tene na ala.

Jean 16:14

Fade lo yeke gonda mbi, ngbanga ti so lo yeke mu tënë ti mbi ti tene na ala.

Jean 16:7

Andaa mbi tene na ala taa-tënë: ayeke nzoni titene mbi gue. Biani, tongana mbi gue pepe, Wagbungo-koko ayeke ga ande na tere ti ala pepe. Tongana mbi gue, fade mbi yeke tokua lo na ala.

Jean 17:1

Na peko ti tënë so, Jésus ayo le ti lo na nduzu si lo tene: “Babâ, ngbonga ni alingbi awe. Gonda Molenge ti mo si Molenge ti mo agonda mo.

Jean 17:5

Fadeso, Babâ, sara si mbi duti na gonda na ndo so mo yeke daa, gonda so mbi yeke na ni na tere ti mo kozoni si dunia so abaa gigi.

Jean 20:22

Na pekoni, lo huru pupu na ndö ti ala si lo tene: “Ala wara Yingo-Vuru!

Jean 6:14

So ala baa ye ti kpene so Jésus asara, azo ni atene: “Koli so ayeke taa Wayanga-Nzapa, lo so azo atene tënë ti gango ti lo na dunia so!”

Jean 7:12

Gba ti azo so abongbi kâ ayeke tene tënë ti lo mingi. Ambeni zo ni atene: “Lo yeke nzoni zo”, ambeni atene ti ala: “Mvene, lo yeke handa gba ti azo gi senge senge.”

Jean 8:54

Jésus akiri tënë na ala, atene: “Tongana mbi gonda tere ti mbi wani, gondango tere ti mbi ni ayeke mbeni ye pepe. Zo ti gondango mbi ayeke Babâ ti mbi, lo so ala tene: ‘Lo yeke Nzapa ti e’ so;

Awatokua 19:2

lo hunda ala, lo tene: “So ala ma na be so, ala wara Yingo-Vuru awe?” Ala kiri tënë na lo: “E ma tënë ti Yingo-Vuru laoko pepe!”

Awatokua 2:17

‘Nzapa atene: Na ya ti alango ti ndani, fade mbi yeke sara titene Yingo ti mbi aga na ndö ti azo kue; amolenge ti ala ti koli na ti wali ayeke tene peko ti tënë ti yanga ti mbi, amaseka ti ala ti koli ayeke baa aye na ya ti mbeni ye tongana bango-li, ambakoro ti ala ayeke baa li ti ala.

Awatokua 2:33

Nzapa aya lo na nduzu si azia lo na mbage ti maboko ti lo ti koli, lo wara na maboko ti Babâ Yingo-Vuru so a mu zendo ni. Fadeso lo sara si Yingo ni aga na ndö ti e; ni laa ala yeke baa ni si ala yeke ma ni so.

Awatokua 2:38

Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru.

Awatokua 2:4

Ala kue asi na Yingo-Vuru si ala to nda ti tene tënë na ayanga nde nde tongana ti so Yingo amu na ala lege ti tenengo ni.

Awatokua 3:13

Nzapa ti Abraham, ti Isaac na ti Jacob, Nzapa ti akotara ti e, amu gonda na Jésus, zo ti kua ti lo. Me ala azo ti Israel, ala zia lo na maboko ti akota zo, ala ke lo na dawa ti Pilate, ataa so Pilate aye ti zi lo.

Awatokua 4:31

So ala hunzi sambela ni awe, ndo so ala bongbi daa so ayingi. Ala si na Yingo-Vuru si ala yeke fa tënë ti Nzapa na mbeto pepe.

Rome 8:9

Ti ala, ala yeke sara ye alingbi na asioni nzara ti be ti ala pepe, me ala yeke sara ye alingbi na ye so Yingo aye, ngbanga ti so Yingo ti Nzapa ayeke duti na be ti ala. Tongana zo ayeke na Yingo ti Christ pepe, lo yeke zo ti Christ pepe.

2 Korente 3:8

fade kua so Yingo ayeke sara, gonda ni ayeke kiri ti hon gonda ti ndia mingi!

Efeze 4:30

Ala mu vundu na Yingo-Vuru pepe. Yingo-Vuru ayeke tongana nzoroko so Nzapa azia na tere ti ala ti fa so ala yeke ti lo. Na lege ti Yingo-Vuru, Nzapa akiri afa so mbeni lâ, fade lo yeke zi ala na ya ti siokpari biani biani.