Jean 7:31 - Mbeti ti Nzapa - Tënë so amu fini

³¹ Na popo ti gba ti azo so, ambeni mingi ama na be na lo; ala tene: “Tongana Mesii aga, fade lo yeke sara aye ti kpene ahon ti koli so?”

Jean 7:31 ပူးပေါင်းရင်းမြစ်များ

Matthieu 12:23

Li ti azo ni kue akpe si ala tene: “So Molenge ti David laa pepe?”

Nzoni Tënë so Luc asu na mbeti 8:13

Ambeni zo ayeke tongana ndö ti têne so ale ti kobe atuku daa; tongana ala ma tënë ni, ala yamba ni na ngia, me tënë ni ali na ya ti be ti ala pepe; ala ma na be gi na ya ti kete ngoi, tongana ye ti tarango be asi na ala, ala do lege ni azia.

Jean 11:45

Azuife mingi so aga ti baa Marie, so ala baa ye so Jésus asara, ambeni mingi ama na be na lo.

Jean 12:11

ngbanga ti so ndali ti lo, azuife mingi azia akota wayango-sandaga si ala ma na be na Jésus.

Jean 12:42

Andaa na popo ti amakonzi ti azuife, ambeni mingi ama na be na Jésus, me ala lingbi ti fa ni na le ti azo pepe, ngbanga ti *afarizien. Ala sara mbeto titene a tumba ala na ya ti ada ti sambelango Nzapa.

Jean 2:11

Lege so Jésus asara kozo ye ti kpene na Kana, mbeni kodro ti Galile laa. Lo fa gonda ti lo si adisiple ti lo ama na be na lo.

Jean 3:2

Lo ga lo baa Jésus na bi si lo tene na lo: “Wafango-ye, e hinga so Nzapa laa atokua mo ti fa ye na e, ngbanga ti so, tongana Nzapa ayeke na zo pepe, zo ni alingbi ti sara aye ti kpene so mo yeke sara so pepe.”

Jean 4:29

“Ala ga abaa mbeni koli so atene na mbi tënë ti aye so kue mbi sara. Wala Mesii ni laa?”

Jean 4:39

Azo ti Samarii mingi ti kete ti kodro ti Sikar ama na be na Jésus ngbanga ti tënë so wali so atene na ala, atene: “Lo tene na mbi tënë ti aye so kue mbi sara.”

Jean 6:2

Gba ti azo amu peko ti lo, ngbanga ti so ala baa aye ti kpene so lo sara ti kai kobela na tere ti azo.

Jean 7:26

Baa, lo yeke tene tënë na le ti azo kue, me mbeni zo ti zi yanga na lo ayeke daa pepe! Amakonzi ti e ayeda biani awe atene, lo yeke *Mesii?

Jean 9:16

Ambeni farizien ni atene: “Zo so asara ye so alondo na Nzapa pepe, ngbanga ti so lo bata ndia ti lango ti wungo tere pepe.” Ambeni atene ti ala: “Zo ti siokpari alingbi ti sara mara ti aye ti kpene tongaso pepe!” Kangbi ati na popo ti ala.

Awatokua 8:13

Simon nga ama na be si lo wara bateme; lo ngba lakue na tere ti Philippe. Lo nga, be ti lo ado na bango aye ti kpene na aye ti dongo be so Philippe ayeke sara so.

Jacques 2:26

Tongana zo ayeke wu pepe, andaa lo kui awe. Legeoko nga, zo so ayeke na mabe, me lo yeke sara kua ni pepe, andaa mabe ti lo akui awe.