Jean 7:26 - Mbeti ti Nzapa - Tënë so amu fini

²⁶ Baa, lo yeke tene tënë na le ti azo kue, me mbeni zo ti zi yanga na lo ayeke daa pepe! Amakonzi ti e ayeda biani awe atene, lo yeke *Mesii?

Jean 7:26 ပူးပေါင်းရင်းမြစ်များ

Amato 28:1

Zo ti sioni ayeke kpe, ataa zo oko atumba peko ti lo pepe; me zo ti mbirimbiri ayeke tongana bamara so ayeke na mbeto oko pepe.

Ésaïe 42:4

Ngangu ti lo ayeke hunzi pepe, be ti lo ayeke woko pepe ngbii lo fa lege ti sarango ye ti mbirimbiri na ndö ti sese. Azo ti azoa ayeke zia be ti ala ti ku fango ye ti lo.”

Matthieu 22:16

Ala tokua ambeni disiple ti ala na ambeni zo ti kama poroso ti Herode ti tene na Jésus: “Wafango-ye, e hinga so mo yeke tene gi taa-tënë, mo yeke fa taa-tënë na ndö ti lege ti sarango ye so Nzapa aye; mo yeke sara kamene ti le ti zo pepe, ataa zo ni ayeke na kota ndo.

Nzoni Tënë so Luc asu na mbeti 23:13

Pilate airi akota wayango-sandaga, amakonzi na azo ti kodro

Nzoni Tënë so Luc asu na mbeti 7:30

Me *afarizien na awafango-ndia ake ti yeda na nzoni ye so Nzapa aleke ndali ti ala si ala ke ti wara bateme ti Jean.

Jean 12:42

Andaa na popo ti amakonzi ti azuife, ambeni mingi ama na be na Jésus, me ala lingbi ti fa ni na le ti azo pepe, ngbanga ti *afarizien. Ala sara mbeto titene a tumba ala na ya ti ada ti sambelango Nzapa.

Jean 18:20

Jésus akiri tënë, atene: “Mbi yeke fa ye na azo kue polele; lakue mbi yeke fa ye na ya ti ada ti sambelango Nzapa nga na ya ti kota da ti Nzapa, na ndo so azuife kue ayeke bongbi daa. Mbi tene mbeni tënë na hondengo ni pepe.

Jean 3:1

Mbeni koli ayeke lani na popo ti *afarizien, iri ti lo Nikodeme; lo yeke mbeni makonzi ti azuife.

Jean 4:29

“Ala ga abaa mbeni koli so atene na mbi tënë ti aye so kue mbi sara. Wala Mesii ni laa?”

Jean 7:25

Ambeni zo ti Jérusalem ahunda ndo, atene: “Koli so azo ayeke gi lege ti fâ lo so laa pepe?

Jean 7:31

Na popo ti gba ti azo so, ambeni mingi ama na be na lo; ala tene: “Tongana Mesii aga, fade lo yeke sara aye ti kpene ahon ti koli so?”

Jean 7:48

Mbeni makonzi ti e wala mbeni farizien oko so ama na be na lo ayeke daa?

Jean 9:22

Babâ na mama ti lo atene tënë so, ngbanga ti so mbeto ti azuife asara ala. Andaa azuife ni atene, zo so kue ayeda atene, Jésus ayeke *Mesii, ala yeke tumba lo na ya ti da ti sambelango Nzapa ti ala.

Awatokua 4:13

So azo ti fango ngbanga ni abaa Pierre na Jean ayeke tene tënë na mbeto pepe si ala hinga nga atene, ala yeke gi asenge zo so amanda mbeti pepe, li ti ala kue akpe. Ala hinga atene, akoli so ayeke ando na tere ti Jésus.

Filipe 1:14

Mingi ti a-ita so abaa mbi na da ti kanga, be ti ala akiri awara ngangu ti zia be ti ala na ndö ti *Kota Gbia. Tongaso, ala yeke fa tënë ti Nzapa na mbeto pepe, ala kiri asara ni ahon ti kozoni.