Jean 7:23 - Mbeti ti Nzapa - Tënë so amu fini

²³ Ala yeke fâ amolenge-koli na ganza na lango ti wungo tere ti bata *Ndia ti Moïse. Ngbanga ti nyen laa ala yeke sara ngonzo na tere ti mbi ndali ti so mbi kai kobela ti mbeni zo na lango ti wungo tere?

Jean 7:23 ပူးပေါင်းရင်းမြစ်များ

Sigingo 31:14

Tongaso, alingbi ala bata lango ti wungo tere ni. Ti ala, lango ni so ayeke mbeni lango so a zia nde. Zo so ayeke sara si lango ni so aga sioni si lo sara kua na lango ni so, fade a yeke tumba lo na ya ti bongbi ti azo si a yeke fâ lo.

Matthieu 12:10

Mbeni koli so maboko ti lo abuba ayeke kâ. Azo aye ti bi tënë na li ti Jésus; tongaso ala hunda lo, atene: “*Ndia amu lege na zo ti kai kobela na tere ti azo na *lango ti wungo tere?”

Matthieu 12:2

So *afarizien abaa tongaso, ala tene na Jésus: “Baa ye! Adisiple ti mo ayeke sara ye so *Ndia ake titene zo asara na lango ti wungo tere!”

Matthieu 12:5

Na mbage, na lango ti wungo tere, awayango-sandaga ayeke sara kua na ya ti kota da ti Nzapa, me a fâ ngbanga na li ti ala pepe! Ala diko tënë ni na ya ti Ndia ti Moïse pepe?

Jean 5:10

Tongaso azuife atene na koli so tere ti lo aga nzoni so, atene: “Laso ayeke lango ti wungo tere; *Ndia ake na mo ti yo konza ti mo ti tambula na ni.”

Jean 7:21

Jésus akiri tënë na ala: “Mbi sara gi ye oko si li ti ala kue akpe!

Jean 9:16

Ambeni farizien ni atene: “Zo so asara ye so alondo na Nzapa pepe, ngbanga ti so lo bata ndia ti lango ti wungo tere pepe.” Ambeni atene ti ala: “Zo ti siokpari alingbi ti sara mara ti aye ti kpene tongaso pepe!” Kangbi ati na popo ti ala.