Jean 7:20 - Mbeti ti Nzapa - Tënë so amu fini

²⁰ Azo ni kue akiri tënë na lo, atene: “Sioni yingo ayeke na ya ti mo! Zo wa laa ayeke gi lege ti fâ mo?”

Jean 7:20 ပူးပေါင်းရင်းမြစ်များ

Matthieu 10:25

Ayeke nzoni disiple aga tongana wafango-ye na lo si zo ti kua aga nga tongana makonzi ti lo. Tongana azo airi wa ti da Beelzebul, fade ala yeke di sioni iri mingi na li ti azo ti da ti lo.

Matthieu 12:24

So *afarizien ama tënë so, ala tene: “Koli so ayeke tumba asioni yingo gi na ngangu ti Beelzebul, makonzi ti asioni yingo!”

Matthieu 9:34

Me *afarizien atene: “Makonzi ti asioni yingo laa ayeke mu na lo ngangu ti tumba ayingo so!”

Marc 3:30

Jésus atene na ala tënë so, ngbanga ti so azo ni atene: “Sioni yingo ayeke na ya ti lo.”

Jean 10:20

Ambeni zo mingi na popo ti ala atene: “Sioni yingo ayeke na ya ti lo! Li ti lo aga kirikiri awe! Ala yeke ma lo ngbanga ti nyen?”

Jean 8:48

Azuife akiri tënë na Jésus, atene: “Tënë so e tene so ayeke taa-tënë: ‘Mo yeke zo ti Samarii si sioni yingo ayeke na ya ti mo!’ ”

Jean 8:49

Jésus akiri tënë na ala: “Mbi yeke na sioni yingo oko pepe; mbi yeke ne Babâ ti mbi, me ti ala, ala yeke ne mbi pepe.

Jean 8:52

Azuife akiri tënë na lo, atene: “Fadeso e hinga biani so, mo yeke na sioni yingo na ya ti mo! Abraham akui, awayanga-Nzapa nga akui, me ti mo, mo tene: ‘Zo so asara ye alingbi na atënë ti mo, fade lo yeke kui laoko pepe.’

Awatokua 26:24

So Paul afa nda ti tënë ti lo ngbii asi na ndo so, Festus adekongo na lo, atene: “Gbogbolinda asara mo, Paul! Mo manda mbeti mingi asara si mo ga zo ti gbogbolinda awe!”