Jean 7:19 - Mbeti ti Nzapa - Tënë so amu fini

¹⁹ Moïse amu ando *Ndia na ala pepe? Me zo oko na popo ti ala abata ndia ni pepe. Ala yeke gi lege ti fâ mbi ngbanga ti nyen?”

Jean 7:19 ပူးပေါင်းရင်းမြစ်များ

Matthieu 12:14

So *afarizien asigigi na ya ti da ti sambelango Nzapa, ala bongbi ti gbu li ti ala ti gi lege ti fâ Jésus.

Matthieu 21:38

Me so azo ti fango yaka ni abaa molenge ni, ala tene na popo ti ala: ‘Baa, lo so lo yeke ga wa ti yaka ni na peko ti babâ ti lo laa! Ala ga, e fâ lo si yaka ti lo aga ti e!’

Marc 11:18

Akota wayango-sandaga na awafango-ndia ama tënë ti ye so Jésus asara so si ala yeke gi lege ti fâ lo. Me ala sara mbeto ti lo mingi, ngbanga ti so li ti gba ti azo akpe ndali ti fango ye ti lo.

Marc 3:4

Na pekoni, lo hunda azo ni, lo tene: “*Ndia afa nyen na e? A fa na e ti sara nzoni wala sioni, ti soo fini ti zo wala ti fâ zo na lango ti wungo tere?” Me zo oko akiri tënë pepe.

Marc 3:6

So *afarizien asigigi na ya ti da ti sambelango Nzapa ni, ala gue hio awara azo ti kama poroso ti Herode; ala bongbi ti gi lege ti fâ Jésus.

Jean 1:17

Nzapa amu ando *Ndia na e na lege ti Moïse, me nzoni be na taa-tënë aga na lege ti Jésus Christ.

Jean 10:39

Ala kiri agi lege ti gbu Jésus, me lo kpe na maboko ti ala, lo hon.

Jean 11:53

Ti londo na lango ni so, amakonzi ti azuife aleke tënë ti fâ Jésus.

Jean 5:16

Nilaa ala to nda ti gi Jésus na tënë, ngbanga ti so lo sara ye so na lango ti wungo tere.

Jean 5:18

Na ndö ti tënë so, amakonzi ti azuife ayeke gi lege ngangu ti fâ Jésus, ngbanga ti so lo ke ti kpe ndia ti lango ti wungo tere si na ndö ni, lo kiri lo tene, Nzapa ayeke taa Babâ ti ni; so aye ti fa atene, lo yeke legeoko na Nzapa.

Jean 5:45

Ala baa ti ala atene, mbi laa mbi yeke bi tënë na li ti ala na gbe ti Babâ? Oko pepe. Moïse, lo so ala zia be ti ala na ndö ti lo, lo laa lo yeke bi tënë na li ti ala.

Jean 7:1

Na pekoni, Jésus atambula na ya ti sese ti Galile; lo ye ti tambula na ya ti sese ti Judée pepe, ngbanga ti so azuife ayeke gi lege ti fâ lo.

Jean 7:25

Ambeni zo ti Jérusalem ahunda ndo, atene: “Koli so azo ayeke gi lege ti fâ lo so laa pepe?

Awatokua 7:38

Na ndembe so azo ti Israel abongbi tere na benyama, Moïse laa ayeke ando zo ti tokua na popo ti ange so atene tënë na lo na ndö ti hoto ti Sinai nga na akotara ti e; lo laa lo wara atënë so ayeke mu fini na zo titene lo fa ni na e.

Galasii 3:19

Tongaso, kua ti Ndia ayeke nyen? Nzapa azia Ndia na tere ti mbuki ni titene e hinga ye so ake Ndia. Nzapa amu Ndia ti ku na gango ti hale ti Abraham, lo so Nzapa amu zendo ti mungo ye ni na lo. *A-ange laa amu Ndia ni aga na ni na azo si mbeni zo ayeke walekengo-songo.

Galasii 6:13

Ataa so azo ni afâ ganza, ala yeke sara ye alingbi na *Ndia pepe! Azo ni aye ti fâ ala na ganza ti wara lege ti gondango tere ndali ti ye so azo ni asara na tere ti ala, a-ita.

Ndia ti fani use ni 1:17

Tongana ala yeke fâ ngbanga, ayeke nzoni ala mu mbage ti mbeni zo pepe. Ataa senge zo, ataa kota zo, ala ma tënë ti lo nzoni. Ala sara mbeto ti zo oko pepe, ngbanga ti so fango ngbanga alondo na Nzapa. Tongana mbeni tënë akara ala, ala ga na ni na mbi si mbi lingbi ti gi nda ni.”

Ndia ti fani use ni 33:4

Ndia so Moïse amu na e aga ye so ayeke ti bongbi ti azo ti Jacob.