Jean 7:18 - Mbeti ti Nzapa - Tënë so amu fini

¹⁸ Zo so ayeke tene gi tënë ti be ti lo, lo yeke gi titene azo agonda lo. Me zo so ayeke gi titene azo agonda zo so atokua lo, lo yeke tene gi taa-tënë; tënë ti mvene ayeke na yanga ti lo pepe.

Jean 7:18 ပူးပေါင်းရင်းမြစ်များ

Amato 25:27

Sungo mafuta ti wotoro gbani gbani ayeke nzoni pepe; gingo lege ti duti na gonda gbani gbani ayeke nga nzoni pepe.

Wungo ti azo 11:29

Moïse akiri tënë na lo: “Mo sara mbanda ndali ti mbi? Tongana KOTA GBIA akangbi yingo ti lo na azo ti Israel kue titene ala ga awayanga-Nzapa, ka ayeke nzoni mingi!”

Matthieu 6:9

Lege so alingbi ala sambela na ni ayeke tongaso: ‘Babâ ti e so mo yeke na yayu, ayeke nzoni azo ane iri ti mo so ayeke nde si ayeke nzoni kue;

Jean 11:4

So Jésus ama tënë ni, lo tene: “Kobela ti Lazare so ayeke fâ lo pepe; me ayeke sara si azo agonda Nzapa. Na lege ti kobela so si azo ayeke gonda ande Molenge ti Nzapa.”

Jean 12:28

Babâ, gonda iri ti mo!” Mbeni go alondo na yayu, atene: “Mbi gonda ni awe si mbi yeke kiri ti gonda ni.”

Jean 12:43

Biani, ala ye titene azo agonda ala ahon titene Nzapa laa agonda ala.

Jean 5:41

“Mbi yeke gi titene azo agonda mbi pepe.

Jean 8:54

Jésus akiri tënë na ala, atene: “Tongana mbi gonda tere ti mbi wani, gondango tere ti mbi ni ayeke mbeni ye pepe. Zo ti gondango mbi ayeke Babâ ti mbi, lo so ala tene: ‘Lo yeke Nzapa ti e’ so;

1 Tesalonike 2:6

E gi lege pepe titene azo agonda e, ataa na popo ti ala, ataa na popo ti ambeni zo nde.

1 Pierre 4:11

Tongana mbeni zo ayeke fa tënë, alingbi lo fa gi tënë ti Nzapa. Tongana mbeni zo ayeke sara kua ndali ti amba ti lo, alingbi lo sara ni na ngangu so Nzapa amu na lo, tongaso si na ya ti aye kue, azo agonda Nzapa na lege ti Jésus Christ. Gonda na ngangu ayeke ti Nzapa, kpu na kpu! Amen.

1 Jean 2:29

Ala hinga atene, Christ ayeke mbirimbiri. Tongaso, alingbi ala hinga nga atene, zo so asara ye ti mbirimbiri, lo yeke molenge ti Nzapa.