Jean 7:14 - Mbeti ti Nzapa - Tënë so amu fini

¹⁴ So ala de ti sara matanga ni, Jésus alondo, lo gue na ya ti kota da ti Nzapa si lo yeke fa ye na azo.

Jean 7:14 ပူးပေါင်းရင်းမြစ်များ

Malashii 3:1

Tënë so *KOTA GBIA so ayeke na ndö ti dunia kue atene laa: “Baa, mbi yeke tokua zo ti mbi; lo yeke leke lege na dawa ti mbi. Gi hio tongaso, kota zo so ala yeke gi lo so, fade lo yeke si na ya ti kota da ti lo. Zo ti tokua so ala sara nzara ti lo so ayeke ga ti fa tënë ti *mbuki ti mbi na ala.

Wungo ti azo 29:17

“Na use lango ti matanga ni, ala yeke mu akoli-bagara baleoko na use, akoli-taba use, akete taba baleoko na osio ti ngu oko so mbeni mbage ti tere ti ala abuba pepe ti ya na sandaga so a yeke gbi ni kue na wâ na KOTA GBIA.

Wungo ti azo 29:20

“Na ota lango ni, ala yeke mu akoli-bagara baleoko na oko, akoli-taba use, akete taba baleoko na osio ti ngu oko so mbeni mbage ti tere ti ala abuba pepe ti ya na sandaga so a yeke gbi ni kue na wâ na KOTA GBIA.

Matthieu 21:12

Jésus ali na ya ti kota da ti Nzapa si lo tumba azo ti kango ye na azo ti vongo ye so ayeke na ya ni; lo kinda na sese ameza ti azo ti sanzengo nginza na angende ti azo ti kango *ambipa.

Matthieu 26:55

Na pekoni, Jésus atene na gba ti azo ni, atene: “Ala ga na ayongoro zeme na akeke ti gbu mbi, mo baa mo tene, mbi yeke zo ti nzi! Lakue mbi yeke duti na ya ti kota da ti Nzapa ti fa ye, me ala gbu mbi pepe!

Nzoni Tënë so Luc asu na mbeti 19:47

Lakue Jésus ayeke fa ye na ya ti da ti Nzapa. Akota wayango-sandaga, awafango-ndia na akota zo ti kodro ni kue ayeke gi lege ti fâ lo.

Jean 18:20

Jésus akiri tënë, atene: “Mbi yeke fa ye na azo kue polele; lakue mbi yeke fa ye na ya ti ada ti sambelango Nzapa nga na ya ti kota da ti Nzapa, na ndo so azuife kue ayeke bongbi daa. Mbi tene mbeni tënë na hondengo ni pepe.

Jean 5:14

Na pekoni, Jésus atengbi na koli ni na ya ti kota da ti Nzapa si lo tene na lo: “Tere ti mo aga nzoni fadeso awe. Kiri mo sara siokpari pepe, ngbanga ti fade mbeni ye ti sioni asi na mo ahon ti kozo.”

Jean 7:2

Matanga ti azuife so ayeke matanga ti Akpangba aga nduru awe.

Jean 7:28

Jésus ayeke fa ye na ya ti kota da ti Nzapa si lo tene tënë na kota go, lo tene: “Ala hinga mbi biani? Ala hinga ndo so mbi londo daa biani? Mbi ga na iri ti mbi wani pepe. Lo so atokua mbi, lo lingbi titene zo azia be ti lo na ndö ti lo; me ala hinga lo pepe.

Jean 7:37

Tanga ti lango ti matanga ni ayeke mbeni kota lango mingi. Jésus aluti na nduzu si lo tene tënë na kota go, lo tene: “Tongana nzara ti ngu asara mbeni zo, ayeke nzoni lo ga na mbi, lo nyon ngu.

Jean 8:2

Na kota ndaperere, lo kiri na ya ti kota da ti Nzapa, azo kue akiri abongbi na tere ti lo. Lo duti si lo yeke fa ye na ala.

Jean 8:20

Jésus atene atënë so na ndembe so lo yeke fa ye na ya ti kota da ti Nzapa, na ndo so a zia sanduku ti nginza daa. Zo oko agbu lo pepe, ngbanga ti so ngbonga ti lo ade ti lingbi pepe.