Jean 7:13 - Mbeti ti Nzapa - Tënë so amu fini

¹³ Me zo ti tenengo tënë ti lo polele ayeke daa pepe, ngbanga ti so mbeto ti amakonzi ti azuife ayeke sara ala.

Jean 7:13 ပူးပေါင်းရင်းမြစ်များ

Amato 29:25

Sarango mbeto ti azo ayeke tongana kuku ndali ti zo; me zo so azia be ti lo na ndö ti KOTA GBIA, ye oko ayeke sara lo pepe.

Jean 19:38

Na pekoni, Joseph, mbeni zo ti gbata ti Arimate ague, ahunda Pilate ti mu kuâ ti Jésus. – Joseph ayeke mbeni disiple ti Jésus, me lo mu peko ti lo na hondengo ni, ngbanga ti so mbeto ti amakonzi ti azuife asara lo. – Pilate ayeda. Tongaso Joseph ague, amu kuâ ni.

Jean 20:19

Na lakui ti layenga ni, adisiple abongbi tere ti ala na ya ti mbeni da. Ala kanga yanga ti da ni na ndö ti ala, ngbanga ti so mbeto ti amakonzi ti azuife asara ala. Jésus aga si lo luti na popo ti ala, lo tene na ala: “Siriri aduti na ala!”

Jean 3:2

Lo ga lo baa Jésus na bi si lo tene na lo: “Wafango-ye, e hinga so Nzapa laa atokua mo ti fa ye na e, ngbanga ti so, tongana Nzapa ayeke na zo pepe, zo ni alingbi ti sara aye ti kpene so mo yeke sara so pepe.”

Jean 7:1

Na pekoni, Jésus atambula na ya ti sese ti Galile; lo ye ti tambula na ya ti sese ti Judée pepe, ngbanga ti so azuife ayeke gi lege ti fâ lo.

Jean 7:11

Amakonzi ti azuife ayeke gi lo na ya ti matanga ni, ala hunda ndo, atene: “Lo yeke na ndo wa?”

Jean 7:15

Li ti amakonzi ti azuife kue akpe si ala tene: “Koli so ahinga aye so tongana nyen, so lo manda mbeti pepe so?”

Jean 9:22

Babâ na mama ti lo atene tënë so, ngbanga ti so mbeto ti azuife asara ala. Andaa azuife ni atene, zo so kue ayeda atene, Jésus ayeke *Mesii, ala yeke tumba lo na ya ti da ti sambelango Nzapa ti ala.

Jean 9:34

Ala kiri tënë, atene: “Mo, a du mo si mo kono gi na ya ti siokpari, mo ye ti fa ye na e?” Na pekoni, ala tumba lo na ya ti da ti sambela ni.

Aye so Nzapa afa 2:13

Mbi hinga ndo so mo yeke duti daa: ayeke ndo so Satan azia mbata ti lo ti gbia daa, me mo ngba na tere ti mbi; be ti mo so mo zia na ndö ti mbi, mo zia lege ni pepe, ataa na ndembe so a fâ Antipas, lo so lo fa tënë na ndö ti mbi na legeni, na ndo so Satan azia mbata ti lo ti gbia daa.