Jean 7:12 - Mbeti ti Nzapa - Tënë so amu fini

¹² Gba ti azo so abongbi kâ ayeke tene tënë ti lo mingi. Ambeni zo ni atene: “Lo yeke nzoni zo”, ambeni atene ti ala: “Mvene, lo yeke handa gba ti azo gi senge senge.”

Jean 7:12 ပူးပေါင်းရင်းမြစ်များ

Matthieu 10:25

Ayeke nzoni disiple aga tongana wafango-ye na lo si zo ti kua aga nga tongana makonzi ti lo. Tongana azo airi wa ti da Beelzebul, fade ala yeke di sioni iri mingi na li ti azo ti da ti lo.

Matthieu 21:46

Ala gi lege ti gbu lo, me mbeto ti gba ti azo so asara ala, ngbanga ti so azo ni abaa Jésus tongana wayanga-Nzapa.

Matthieu 27:63

ala tene na lo: “Kota zo, na ndembe so zo ti mvene so ade na fini, lo tene lani, lo tene: ‘Na peko ti lango ota, fade mbi yeke zingo na kuâ.’ E dabe ti e na tënë so.

Nzoni Tënë so Luc asu na mbeti 18:19

Jésus atene na lo: “Ngbanga ti nyen si mo iri mbi zo ti nzoni? Zo ti nzoni ayeke daa pepe, gi Nzapa oko.

Nzoni Tënë so Luc asu na mbeti 23:47

So kapita ti aturugu ti Rome abaa ye ni tongaso, lo gonda Nzapa si lo tene: “Taa-tënë, koli so ayeke zo ti mbirimbiri!”

Nzoni Tënë so Luc asu na mbeti 23:50

Mbeni koli ayeke daa so iri ti lo Joseph, lo yeke mbeni zo ti kota ndo ti fango ngbanga, lo yeke nzoni zo si lo yeke nga zo ti mbirimbiri.

Nzoni Tënë so Luc asu na mbeti 6:45

Nzoni zo ayeke sigigi na anzoni ye so ayeke na be ti lo; me sioni zo ayeke sigigi na asioni ye so ayeke na be ti lo. Biani, ye so asi be ti zo laa ayeke sigigi na lege ti tënë ti yanga ti lo.”

Nzoni Tënë so Luc asu na mbeti 7:16

Mbeto agbu azo ni kue si ala yeke gonda Nzapa, atene: “Mbeni kota wayanga-Nzapa aga na popo ti e awe! Nzapa aga ti baa azo ti lo!”

Jean 6:14

So ala baa ye ti kpene so Jésus asara, azo ni atene: “Koli so ayeke taa Wayanga-Nzapa, lo so azo atene tënë ti gango ti lo na dunia so!”

Jean 7:32

*Afarizien ama atënë so gba ti azo ayeke tene na gbe ti go ti ala na tere ti Jésus. Tongaso akota wayango-sandaga na afarizien atokua aturugu ti gue ti gbu lo.

Jean 7:47

Afarizien ahunda ala, atene: “Ala nga, lo handa ala awe?

Jean 7:52

Ala kiri tënë na lo: “Mo nga, mo yeke zo ti Galile? Mo gi nda ti Mbeti ti Nzapa, fade mo yeke hinga so, mbeni wayanga-Nzapa alondo laoko na Galile aga pepe.” [

Jean 9:16

Ambeni farizien ni atene: “Zo so asara ye so alondo na Nzapa pepe, ngbanga ti so lo bata ndia ti lango ti wungo tere pepe.” Ambeni atene ti ala: “Zo ti siokpari alingbi ti sara mara ti aye ti kpene tongaso pepe!” Kangbi ati na popo ti ala.

Awatokua 11:24

Barnabas ayeke nzoni zo, lo si singo na Yingo-Vuru na mabe. Ndali ti lo, gba ti azo aga azo ti Kota Gbia.

Rome 5:7

Titene mbeni zo ayeda ti kui ndali ti zo ti mbirimbiri, so ayeke ngangu mingi, wala titene mbeni zo ayeda ti kui ndali ti zo ti sarango nzoni, so mbi hinga pepe.

Filipe 2:14

Aye so kue ala yeke sara, ala sara ni na dikongo tënë na gbe ti go ti ala pepe wala na papa pepe.