Jean 6:68 - Mbeti ti Nzapa - Tënë so amu fini

⁶⁸ Simon Pierre akiri tënë na lo: “*Kota Gbia, e yeke gue ti e ande na zo wa? Atënë so ayeke mu na zo fini so angba lakue lakue, ayeke gi na yanga ti mo oko.

Jean 6:68 ပူးပေါင်းရင်းမြစ်များ

Abia (Psaumes) 73:25

Zo wa laa ayeke mu maboko na mbi na yayu, zo wa? Gi mo oko! Na ndö ti sese so, mbeni ye nde anzere na mbi pepe, gi mo oko.

Matthieu 16:16

Simon Pierre akiri tënë: “Mo yeke *Mesii, Molenge ti Nzapa so ayeke na fini.”

Marc 8:29

Jésus ahunda ala, atene: “Me ti ala, ala tene mbi yeke zo wa?” Pierre atene na lo: “Mo yeke *Mesii.”

Nzoni Tënë so Luc asu na mbeti 9:20

Lo hunda ala, lo tene: “Me ti ala, ala tene mbi yeke zo wa?” Pierre akiri tënë na lo: “Mo yeke *Mesii so alondo na Nzapa.”

Jean 12:49

Mbi tene tënë so alondo na mbi wani pepe, me Babâ so atokua mbi laa amu yanga na mbi na ndö ti tënë so alingbi mbi tene nga na ye so alingbi mbi fa.

Jean 12:50

Mbi hinga so, tënë ti yanga ti lo ayeke mu na zo fini so angba lakue lakue. Tënë so mbi yeke tene, mbi tene tongana ti so Babâ atene na mbi.”

Jean 17:8

Biani, mbi mu na ala atënë so mo mu na mbi si ala yamba ni. Tongaso ala hinga biani atene, mbi londo na mo si mbi ga, ala ma nga na be so mo laa mo tokua mbi.

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Jean 6:40

Ye so be ti Babâ ti mbi aye ayeke so: zo so kue abaa Molenge ni si ama na be na lo, lo yeke na fini so angba lakue lakue; fade mbi, mbi yeke zingo lo na kuâ na lango ti ndani.”

Jean 6:63

Yingo ti Nzapa laa ayeke mu fini na zo; zo alingbi ti wara fini na ngangu ti lo wani pepe. Atënë so mbi tene na ala ayeke tënë ti Yingo na tënë ti fini.

Awatokua 13:26

“A-ita, ala so ayeke *ahale ti Abraham na ala, azo so ayeke ge si ayeke voro Nzapa so, e laa Nzapa atokua tënë ti songo zo na kuâ na e!

Awatokua 4:12

Zo alingbi ti soo kuâ na lege ti mbeni iri nde pepe, ngbanga ti so na ndö ti dunia kue, mbeni iri nde so Nzapa amu ni na azo titene e soo kuâ na lege ni ayeke daa pepe.”

Awatokua 5:20

“Ala gue, aluti na ya ti kota da ti Nzapa si ala fa na azo atënë so kue ayeke mu fini na zo.”

Awatokua 7:38

Na ndembe so azo ti Israel abongbi tere na benyama, Moïse laa ayeke ando zo ti tokua na popo ti ange so atene tënë na lo na ndö ti hoto ti Sinai nga na akotara ti e; lo laa lo wara atënë so ayeke mu fini na zo titene lo fa ni na e.

Awatokua 8:37

Philippe atene: “Tongana mo ma na be biani, mo lingbi ti wara bateme senge.” Mbaiwa ni atene: “Mbi ma na be so Jésus Christ ayeke Molenge ti Nzapa.”]