Jean 6:62 - Mbeti ti Nzapa - Tënë so amu fini

⁶² Ala yeke tene ande nyen na ndembe so *Molenge ti Zo ayeke kiri na yayu, na ndo so lo yeke daa kozoni so?

Jean 6:62 ပူးပေါင်းရင်းမြစ်များ

Matthieu 8:20

Jésus atene na lo: “Anyama ti gbungo kondo ayeke na du so ala yeke lango na ya ni, andeke ti nduzu ayeke na da ti lango ti ala; me *Molenge ti Zo ayeke na mbeni ndo ti ziango li ti lo daa pepe.”

Marc 16:19

Na peko ti so *Kota Gbia Jésus atene tënë so na ala awe, a mu lo, a gue na lo na yayu si lo duti na tere ti Nzapa na mbage ti maboko ti lo ti koli.

Nzoni Tënë so Luc asu na mbeti 24:51

So lo ngba ti sara tufa na ndö ti ala, lo londo na tere ti ala, lo hon si a mu lo, a gue na lo na yayu.

Jean 16:28

Mbi londo na Babâ si mbi ga na dunia. Fadeso, mbi yeke zia dunia ti kiri na Babâ.”

Jean 17:11

Mbi yeke na dunia so mbeni pepe, me ala yeke ti ala na dunia so. Mbi yeke gue ti mbi na tere ti mo. Babâ, mo so mo yeke nde si mo yeke nzoni kue, bata ala na lege ti ngangu ti iri ti mo so mo mu na mbi, tongaso si ala ga oko, tongana ti so mbi na mo, e yeke oko.

Jean 3:13

Zo oko ade ti ma na yayu pepe, gi *Molenge ti Zo; lo laa lo londo na yayu si lo zu na sese.

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

Jean 6:42

Ala hunda tere ti ala, atene: “So Jésus, molenge ti Joseph, so e hinga babâ ti lo na mama ti lo so laa pepe? Tongana nyen laa fadeso lo tene: ‘Mbi londo na yayu si mbi ga so?’”

Jean 6:53

Jésus atene na ala: “Biani, mbi tene na ala taa-tënë: tongana ala te tere ti *Molenge ti Zo pepe si ala nyon nga mene ti lo pepe, fade ala yeke duti na taa fini pepe.

Awatokua 1:9

Na peko ti tënë so, lo londo ti gue na yayu, ala ngba ti baa peko ti lo, me mbeni mbinda ahonde lo na le ti ala.

1 Pierre 3:22

Lo gue na yayu, lo duti na tere ti Nzapa na mbage ti maboko ti lo ti koli si *a-ange, ayingo so ayeke na komandema na ala so ayeke na ngangu ayeke na gbe ti lo.