Jean 6:54 - Mbeti ti Nzapa - Tënë so amu fini

⁵⁴ Zo so ate tere ti mbi si anyon mene ti mbi, lo yeke na fini so angba lakue lakue. Fade mbi yeke zingo lo na kuâ na lango ti ndani,

Jean 6:54 ပူးပေါင်းရင်းမြစ်များ

Abia (Psaumes) 22:26

KOTA GBIA, ndali ti mo, mbi lingbi ti gonda mo, mbi gonda mo na ya ti kota bongbi ti azo ti mo. Ye so mbi deba yanga ti mbi ti sarango ni, mbi yeke sara ni na le ti azo so akpe mbeto ti mo:

Jean 4:14

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

Jean 6:47

Biani, mbi tene na ala taa-tënë: “Zo so ama na be, lo yeke na fini so angba lakue lakue.

Jean 6:55

ngbanga ti so tere ti mbi ayeke taa kobe si mene ti mbi ayeke taa ye ti nyongo ni.

Jean 6:63

Yingo ti Nzapa laa ayeke mu fini na zo; zo alingbi ti wara fini na ngangu ti lo wani pepe. Atënë so mbi tene na ala ayeke tënë ti Yingo na tënë ti fini.

Galasii 2:20

Nilaa, mbi laa mbi yeke na fini mbeni pepe, me Christ laa ayeke na fini na ya ti mbi. Na dutingo ti mbi ti zo, mbi yeke duti fadeso na fini gi na lege ti mabe so mbi yeke na ni na Molenge ti Nzapa, lo ye mbi si lo ka tere ti lo na kuâ ndali ti mbi.