Jean 6:41 - Mbeti ti Nzapa - Tënë so amu fini

⁴¹ Azuife ato nda ti kasa Jésus, ngbanga ti so lo tene: “Mbi yeke mapa so alondo na yayu si aga.”

Jean 6:41 ပူးပေါင်းရင်းမြစ်များ

Nzoni Tënë so Luc asu na mbeti 15:2

*Afarizien na awafango-ndia ayeke kasa lo, atene: “Koli so ayeke yamba azo ti siokpari si lo na ala ayeke te kobe!”

Nzoni Tënë so Luc asu na mbeti 19:7

So azo abaa tongaso, ala kue akasa Jésus, atene: “Lo gue, lo lango na ndo ti zo ti siokpari!”

Nzoni Tënë so Luc asu na mbeti 5:30

*Afarizien na awafango-ndia ti ala ayeke kasa tënë ni si ala tene na adisiple ti Jésus, atene: “Ngbanga ti nyen laa ala yeke te, ala yeke nyon na azo ti rongo nginza ti lapo nga na azo ti siokpari so?”

Jean 1:19

Amakonzi ti azuife ti Jérusalem airi awayango-sandaga na azo ti mara ti Lévi si atokua ala na Jean, ti hunda lo, atene: “Mo yeke zo wa?”

Jean 6:33

ndali ti so mapa ti Nzapa ayeke zo so alondo na yayu, lo zu si lo yeke mu fini na azo ti dunia.”

Jean 6:43

Jésus akiri tënë na ala, atene: “Ala zia ti kasa ndo!

Jean 6:48

Mbi yeke mapa so ayeke mu fini na zo.

Jean 6:58

Baa, mapa so alondo na yayu si aga laa: mapa ni ayeke nde na ti so akotara ti ala ate ando. Akotara ti ala akui, me zo so ate kobe so, lo yeke ngba na fini lakue lakue.”

Jean 6:60

Na mango atënë so, mingi ti adisiple ti Jésus atene: “Tënë so ayeke ngangu mingi! Zo wa laa alingbi ti yeda na ni?”

Jean 6:66

Gi na peko ti tënë so, mingi ti adisiple ti Jésus agboto tere ti ala si ala kiri ague na peko ti lo pepe.

Jean 7:12

Gba ti azo so abongbi kâ ayeke tene tënë ti lo mingi. Ambeni zo ni atene: “Lo yeke nzoni zo”, ambeni atene ti ala: “Mvene, lo yeke handa gba ti azo gi senge senge.”

1 Korente 10:10

Ti hunzi na ni, ala diko tënë na gbe ti go ti ala pepe tongana ti so ambeni na popo ti akotara asara ando si *ange ti kuâ afâ ala so.

Jude 1:16

Be ti azo ni anzere laoko pepe, demango tere ti ala ahon ndoni; ala ye ti sara ye alingbi gi na asioni nzara ti be ti ala; ala yeke tene gi atënë ti baba si ala yeke diko apendere tënë ti handa na azo ngbanga ti warango ye.