Jean 6:31 - Mbeti ti Nzapa - Tënë so amu fini

³¹ Ando na benyama, akotara ti e ate *mane. Mbeti ti Nzapa atene: ‘Lo mu na ala mapa so alondo na yayu si ala te.’ ”

Jean 6:31 ပူးပေါင်းရင်းမြစ်များ

Néhémie 9:15

Tongana nzara asara ala, mo mu na ala kobe so alondo na yayu titene ala te. Tongana nzara ti ngu asara ala, mo sara si ngu asigigi na ya ti têne si ala nyon. Mo tene na ala ti gue ti mu sese so mo yoro ando maboko ti mo na nduzu, mo deba yanga ti mo ti mu na ala titene aga ti ala.

Néhémie 9:20

Mo mu na ala nzoni yingo titene ala wara hingango ndo; mo mu na ala *mane ti tengo ni lakue, mo mu na ala ngu ti nyon.

Abia (Psaumes) 105:40

Ala hunda lo, lo sara si adodoro aga; lo mu na ala kobe so alondo na yayu, ala te ya ti ala asi.

Sigingo 16:35

Azo ti Israel ate mane so na ya ti ngu baleosio ngbii ala si na sese so azo aduti daa. Ala te ni ngbii ala si na katikati ti sese ti Kanaan.

Jean 6:32

Me Jésus akiri tënë na ala, atene: “Biani, mbi tene na ala taa-tënë: mapa so alondo na yayu, Moïse laa amu na ala pepe; me Babâ ti mbi laa amu na ala taa mapa ti yayu,

Jean 6:49

Ando na benyama, akotara ti ala ate mane, me ala kui.

Jean 6:58

Baa, mapa so alondo na yayu si aga laa: mapa ni ayeke nde na ti so akotara ti ala ate ando. Akotara ti ala akui, me zo so ate kobe so, lo yeke ngba na fini lakue lakue.”

1 Korente 10:3

Ala kue ate gi oko kobe ti yingo,

Ndia ti fani use ni 8:3

Na peko ti aye ti ngangu so KOTA GBIA asara si asi na ala, na peko ti so lo sara si ala baa pasi na nzara, lo mu na ala *mane, kobe so ala hinga kozoni pepe. Ataa ala wani, ataa akotara ti ala ahinga kobe ni so pepe. Lo sara tongaso ti fa na ala so zo ayeke ngba na fini gi na lege ti kobe pepe, me na lege ti tënë so kue ayeke sigigi na yanga ti KOTA GBIA.

Josué 5:12

Lango oko na peko ti akobe ti kodro ni so ala te so, *mane akai; azo ti Israel akiri awara mane pepe si na ngu ni so, ala te gi akobe ti kodro ti Kanaan.

Aye so Nzapa afa 2:17

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo *mane so angba na hondengo ni. Mbi yeke mu nga na lo mbeni vuru têne so a su fini iri na ndö ni, mbeni zo nde ahinga iri ni pepe, gi zo so awara iri ni si ahinga.”