Jean 5:43 - Mbeti ti Nzapa - Tënë so amu fini

⁴³ Mbi ga na iri ti Babâ ti mbi, me ala ke ti yamba mbi. Tongana mbeni zo nde aga fade na iri ti lo wani, ka ala yeke yamba lo!

Jean 5:43 ပူးပေါင်းရင်းမြစ်များ

Ezekiel 23:21

“Oholiba, mo kiri na ndö ti sarango ye ti potopoto ti mo so lani mo de maseka si mo yeke sara so. Lani azo ti Ezipte ayeke gbu me ti mo ti sara na ngia, ala yeke tatara kate ti mo ti maseka.

Matthieu 24:24

Biani, fade amesii ti mvene na awayanga-Nzapa ti mvene ayeke ga si ala yeke sara akota ye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Matthieu 24:5

Biani, fade azo mingi ayeke ga na iri ti mbi si zo oko oko ayeke tene: ‘Mbi laa mbi yeke *Mesii!’ Azo ni ayeke handa gba ti azo.

Jean 10:25

Jésus akiri tënë na ala, atene: “Mbi tene na ala awe, me ala yeda na ni pepe. Aye so mbi yeke sara na iri ti Babâ ti mbi ayeke tene tënë na ndö ti mbi.

Jean 12:28

Babâ, gonda iri ti mo!” Mbeni go alondo na yayu, atene: “Mbi gonda ni awe si mbi yeke kiri ti gonda ni.”

Jean 3:16

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

Jean 5:42

Me mbi hinga ala: na be ti ala, ala ye Nzapa pepe.

Jean 6:38

Mbi londo na yayu, mbi ga na ndo so ti sara ye ti be ti mbi pepe, me ti sara ye so be ti lo so atokua mbi aye.

Awatokua 21:38

Mo, zo ti Ezipte so apusu azo ti sara wusuwusu biri biri si na pekoni mo mu azo ti fango zo saki osio, mo gue na ala na benyama so, mo laa pepe?”