Jean 5:40 - Mbeti ti Nzapa - Tënë so amu fini

⁴⁰ Me ala azo, ala ye ti ga na mbi pepe ti wara taa fini.

Jean 5:40 ပူးပေါင်းရင်းမြစ်များ

Abia (Psaumes) 81:11

Mbi laa mbi yeke *KOTA GBIA, Nzapa ti mo, mbi laa mbi sara si mo sigigi na sese ti Ezipte. Mo zi yanga ti mo kota, fade mbi zia aye daa asi.”

Ésaïe 49:7

Mo so lani azo abaa mo tongana mbumbuse zo, so be ti azo kue ake mo, mo so mo yeke ngbaa ti azo ti sarango ngangu na zo, *KOTA GBIA, lo so lo zi azo ti lo, Nzapa ti Israel so ayeke nde si ayeke nzoni kue, tënë so lo tene na mo ayeke so: “Tongana agbia ayeke baa ande mo, ala yeke londo na ndö ti mbata ti ala; tongana amakonzi ayeke baa mo, ala yeke kuku akpo li ti ala na sese na dawa ti mo.” Ye ni ayeke si ndali ti KOTA GBIA so ayeke sara ye alingbi na tënë ti yanga ti lo, ndali ti Nzapa ti Israel so ayeke nde si ayeke nzoni kue, lo so lo soro mo.

Ésaïe 50:2

Mbi ga, mbi wara zo oko pepe, ngbanga ti nyen? Mbi iri ndo, zo oko ayeda pepe, ngbanga ti nyen? Maboko ti mbi ayeke nduru mingi titene mbi zi ala? Ngangu laa atia mbi titene mbi soo ala? Gi so mbi suku, kota ngu-ingo ahole; mbi sara si *abale aga kuru sese. Ndali ti so ngu ayeke daa pepe, asusu ayeke kui nzara ti ngu si ala yeke fun.

Matthieu 22:3

Lo tokua azo ti kua ti lo ti iri azo so lo tisa ala na matanga ni, me azo ni aye ti ga pepe.

Matthieu 23:37

“Jérusalem! Jérusalem! Mo so mo yeke fâ awayanga-Nzapa; azo so Nzapa atokua ala na mo, mo bo ala na têne ti fâ ala. Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!

Jean 1:11

Lo ga na taa kodro ti lo, me azo ti kodro ti lo ayamba lo pepe.

Jean 10:10

Zo ti nzi aga ti lo gi ti nzi ye, ti fâ ye, ti buba ye. Ti mbi, mbi ga ti sara si azo aduti na fini si fini so awu ahon ndoni.

Jean 3:19

Nda ti ngbanga ni ayeke so: lumiere aga na ndö ti dunia so, me azo aye tënë ti lumiere ni pepe; ala ye gi tënë ti vukongo ndo, ngbanga ti so ye so ala yeke sara ayeke sioni.

Jean 5:39

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

Jean 5:41

“Mbi yeke gi titene azo agonda mbi pepe.

Jean 5:44

Ala ye titene amba ti ala laa agonda ala si ala nga agonda amba ti ala; me gonda so alondo na Nzapa oko, ala ye ti gi ni pepe. Fade ala lingbi ti ma na be tongana nyen?

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

Jean 6:37

Azo so kue Babâ amu ala na mbi, fade ala yeke ga na mbi; zo so aga na mbi, fade mbi yeke zia lo na gigi oko pepe.

Jean 6:40

Ye so be ti Babâ ti mbi aye ayeke so: zo so kue abaa Molenge ni si ama na be na lo, lo yeke na fini so angba lakue lakue; fade mbi, mbi yeke zingo lo na kuâ na lango ti ndani.”

Rome 6:23

Biani, futa ti siokpari ayeke kuâ; me nzoni ye so Nzapa ayeke mu na zo senge senge ayeke fini so angba lakue lakue, na lege ti gango so e ga oko na Jésus Christ, *Kota Gbia ti e.

Aye so Nzapa afa 22:17

Yingo-Vuru na wali so amu koli na fini ni atene: “Ga!” Ayeke nzoni zo so ama tënë so, atene: “Ga!” Zo so nzara ti ngu asara lo, ayeke nzoni lo ga. Zo so ayeda, ayeke nzoni lo mu ngu senge senge lo nyon, ngu so ayeke mu fini na zo.