Jean 5:4 - Mbeti ti Nzapa - Tënë so amu fini

⁴ ngbanga ti so na ambeni ngoi, mbeni *ange ti *Kota Gbia ayeke zu na ya ti ngu ni ti yingi ni. Zo ti kobela so ayeke zu kozo na ya ti ngu ni na peko ti so ngu ni ayingi, ataa kobela ti lo ni ayeke nyen, kobela ni ayeke kai.]

Jean 5:4 ပူးပေါင်းရင်းမြစ်များ

2 Agbia 5:10

Élisée atokua mbeni zo ti tene na lo: “Gue, mo sukula tere ti mo fani mbarambara na ya ti ngu ti Jourdain. Fade buruma ti mo ayeke hunzi si tere ti mo ayeke ga *nzoni.”

Abia (Psaumes) 119:60

Titene mbi ku kungo pepe, mbi hon daa hio ti bata atënë ti ndia ti mo.

Amato 6:4

Mo woko na lege ni pepe; lango agbu le ti mo pepe ngbii mo baa ye ti peko ni si.

Amato 8:17

Mbi, mbi ye azo so aye mbi. Azo so ayeke gi mbi, fade ala yeke wara mbi.

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Ezekiel 47:8

Lo tene na mbi: “Ngu so ayeke sua na mbage ti To ti sese ni, ayeke gue na lando ti Araba, na pekoni, ayeke tuku na ya ti kota ngu ti Gba-ti-ingo. Tongana atuku na ya ti kota ngu-ingo ni awe, ngu ni akiri aga nzoni.

Osée 13:13

Fade songo ya ti wali so aga nduru ti du ayeke kiri na ndö ti ala; me molenge ni ahinga ndo pepe: so ndembe ti dungo lo alingbi awe, lo ke ti sigigi na ya ti mama ti lo.

Zakarii 13:1

“Na lango ni so, fade mbeni li ti ngu ayeke sigigi ti sukula asiokpari na asioni ti *ahale ti David na ti azo ti Jérusalem.”

Zakarii 14:8

Na lango ni so, fade mbeni li ti ngu ayeke sigigi na Jérusalem; ngu ni ayeke kangbi ya ti lo use, mbeni mbage ni ayeke sua ti gue na mbage ti kota ngu ti Gba-ti-ingo si mbeni mbage ni ayeke sua ti gue na mbage ti kota ngu-ingo ti Mediterane. Ataa na ngoi ti buru, ataa na ngoi ti ngu-Nzapa, ngu ni ayeke ngba lakue ti sua suango.

Matthieu 11:12

Ti londo na ndembe so Jean-Baptiste ato nda ti fango tënë ti Nzapa ngbii asi laso, azo atiri bira ti mu Kodro-gbia ti yayu; azo ti ngangu laa agi lege ti mu ni.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Nzoni Tënë so Luc asu na mbeti 13:24

“Ala sara ngangu ti li na kete yanga ti da ni! Biani, mbi tene na ala, fade azo mingi ayeke gi lege ti li daa, me ala yeke sara gbaa.

Nzoni Tënë so Luc asu na mbeti 16:16

“*Ndia ti Moïse na ambeti ti awayanga-Nzapa afa lege na azo ngbii asi na ngoi ti Jean-Baptiste. Ti londo na ngoi ti Jean-Baptiste, azo ayeke fa Nzoni Tënë ti *Kodro-gbia ti Nzapa si zo oko oko ayeke sara ngangu ti li na ya ti Kodro ni.

Jean 5:3

Gba ti azo ti kobela alango na gbe ti averanda ni: awaziba, azo so gere ti ala abuba na azo so mbeni mbage ti tere ti ala abuba. [Ala yeke ku ndembe so ngu ni ayeke yingi,

Jean 5:5

Mbeni koli ayeke kâ so lo yeke na kobela asara ngu baleota na miombe.

Jean 5:7

Zo ti kobela ni akiri tënë na lo, atene: “Kota Gbia, na ndembe so ngu ni ayeke yingi, mbeni zo ti bi mbi na ya ni ayeke daa pepe. Tongana mbi londo ti gue, mbeni zo ali daa kozo ti mbi awe.”

1 Korente 6:11

Ambeni zo na popo ti ala ayeke ando tongaso. Me Nzapa *asukula asioni ti ala awe, lo sara si ala ga nzoni kue si lo zia ala nde; lo sara si ala ga mbirimbiri na le ti lo na iri ti *Kota Gbia Jésus Christ nga na lege ti Yingo ti Nzapa ti e.

1 Jean 1:7

Me tongana e yeke tambula na ya ti lumiere tongana ti so Nzapa wani ayeke na ya ti lumiere, andaa e yeke na beoko na amba ti e si mene ti Jésus, Molenge ti lo, ayeke *sukula asiokpari ti e kue.