Jean 5:39 - Mbeti ti Nzapa - Tënë so amu fini

³⁹ Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

Jean 5:39 ပူးပေါင်းရင်းမြစ်များ

Abia (Psaumes) 1:2

Me tënë ti *Ndia ti *KOTA GBIA laa anzere na lo, lo yeke gbu li ti lo na ndö ni bi na lâ.

Abia (Psaumes) 119:11

Mbi bata atënë ti yanga ti mo na be ti mbi, tongaso si mbi sara siokpari pepe ti ke mo.

Abia (Psaumes) 133:3

Ye ni ayeke tongana ngu ti pere ti ndö ti hoto ti Hermon so ayeke zu na ndö ti hoto ti Sion. Na ndo so laa KOTA GBIA ayeke sara tufa na ndö ti azo si lo yeke mu na azo fini, kpu na kpu.

Abia (Psaumes) 16:11

Mo yeke fa na mbi lege ti duti na fini; na dawa ti mo, ngia asi singo, na mbage ti maboko ti mo ti koli, anzerengo ye ayeke daa kpu na kpu!

Abia (Psaumes) 21:4

Mo ga ti sara tufa na ndö ti lo, mo ga ti mu na lo anzoni ye mingi; mo zia kpoto ti lôro na li ti lo.

Abia (Psaumes) 36:9

Anzoni kobe asi singo na ya ti da ti mo, azo ayeke te ni ya ti ala asi; anzerengo ye ti mo ayeke tongana ngu ti *bale, azo ayeke nyon na ngia.

Amato 6:23

Biani, andia ayeke tongana lamba, fango ye ayeke tongana lumiere. Tongana zo agboto mê ti mo ti mu na mo wango, andaa lo ye ti zia mo na lege ti fini.

Ésaïe 34:16

Tongana ala gi na ya ti mbeti ti KOTA GBIA, fade ala yeke diko tënë so: Na popo ti anyama so kue, mbeni oko angba na peko pepe, mbeni oko so ake ti ga ayeke daa pepe. KOTA GBIA laa amu yanga na ala, yingo ti lo laa abongbi ala.

Ésaïe 8:20

fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Jérémie 8:9

So ye ti kamene ti nyen na azo ti ndara! Li ti ala aga kirikiri awe; ala ti na ya ti gbanda ti ala wani. So ala baa tënë ti KOTA GBIA tongana buba ye na le ti ala so, ndara ti nyen laa ala yeke na ni?

Daniel 12:2

Azo mingi so alango na ndo ti akuâ ayeke zingo: ambeni ayeke zingo ti duti na fini so angba lakue lakue si ambeni ayeke zingo ti wara kamene nga ti baa pasi so ayeke sioni mingi lakue lakue.

Matthieu 22:29

Jésus akiri tënë na ala: “Ala girisa lege awe, ngbanga ti so ala hinga nda ti Mbeti ti Nzapa wala ngangu ti Nzapa pepe.

Marc 10:3

Jésus akiri tënë na ala: “Nyen laa Moïse amu yanga na ala ti sarango ni?”

Marc 12:10

Tënë so a su na ya ti Mbeti ti Nzapa so, ala diko ni pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni.

Nzoni Tënë so Luc asu na mbeti 16:29

Abraham atene na lo: ‘*Ndia ti Moïse na ambeti ti awayanga-Nzapa ayeke na popo ti ala: ayeke nzoni ala ma ni.’

Nzoni Tënë so Luc asu na mbeti 16:31

Abraham atene: ‘So ala ma Moïse na awayanga-Nzapa pepe so, tongana mbeni zo azingo na kuâ si ague, atene tënë na ala, ala lingbi ti yeda nga pepe.’ ”

Nzoni Tënë so Luc asu na mbeti 24:25

Tongaso Jésus atene na ala: “Ala azo so li ti ala ayeke daa pepe so, tënë so kue awayanga-Nzapa atene ando so, ala ma na be na ni hio pepe!

Nzoni Tënë so Luc asu na mbeti 24:27

Na pekoni, Jésus ato nda ti fa na ala nda ti tënë so ando awayanga-Nzapa kue atene na ndö ti lo na ya ti Mbeti ti Nzapa, ti londo na Moïse ngbii asi na awayanga-Nzapa kue.

Nzoni Tënë so Luc asu na mbeti 24:44

Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Jean 1:45

Na pekoni, Philippe awara Natanael si lo tene na lo: “Zo so ando Moïse atene tënë ti lo na ya ti mbeti ti *Ndia so, lo so nga awayanga-Nzapa atene tënë ti lo so, e wara lo awe. Zo ni ayeke Jésus, molenge ti Joseph, zo ti Nazaret.”

Jean 5:32

Me mbeni zo nde laa ayeke tene tënë na ndö ti mbi. Mbi hinga so, tënë so lo yeke tene na ndö ti mbi ayeke taa-tënë.

Jean 5:36

Me ambeni ye ayeke daa so atene tënë na ndö ti mbi ahon ti Jean. Aye ni ayeke aye so Babâ wani amu na mbi ti sarango ni; mbi yeke sara aye ni si aye ni ayeke fa so Babâ laa atokua mbi.

Jean 5:40

Me ala azo, ala ye ti ga na mbi pepe ti wara taa fini.

Jean 5:46

Tongana ala yeda fade na tënë ti Moïse biani, ka ala yeda nga na tënë ti mbi, ngbanga ti so Moïse asu mbeti na ndö ti mbi.

Jean 7:52

Ala kiri tënë na lo: “Mo nga, mo yeke zo ti Galile? Mo gi nda ti Mbeti ti Nzapa, fade mo yeke hinga so, mbeni wayanga-Nzapa alondo laoko na Galile aga pepe.” [

Awatokua 13:27

Biani, azo ti Jérusalem na amakonzi ti gbata ni ake ti hinga Jésus, ala fâ ngbanga ti kuâ na li ti lo; tënë ti awayanga-Nzapa so ala yeke diko lakue na lango ti wungo tere so aga taa-tënë.

Awatokua 17:11

Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni.

Awatokua 26:27

Gbia Agripa, mo ma na be na atënë so awayanga-Nzapa atene so? Mbi hinga so mo ma na be na ni!”

Rome 1:2

Nzoni Tënë so, Nzapa amu ando zendo ni na azo na lege ti awayanga ti lo, tongana ti so a su tënë ni na ya ti Mbeti ti Nzapa.

Rome 3:2

Biani, ye ti nzoni ni ayeke kota na ya ti aye mingi. Kozo ye ni ayeke so Nzapa azia atënë ti lo na maboko ti azuife.

Ndia ti fani use ni 18:15

Fade KOTA GBIA Nzapa ti ala ayeke sara titene mbeni wayanga-Nzapa tongana mbi, abaa gigi na popo ti ala; lo yeke duti mbeni ita ti ala. Fade ala yeke ma yanga ti lo!

Ndia ti fani use ni 18:18

Fade mbi yeke tokua na ala mbeni wayanga-Nzapa tongana mo; wayanga-Nzapa ni ayeke duti mbeni ita ti ala. Mbi yeke zia tënë ti mbi na yanga ti lo si lo yeke tene na ala atënë so kue mbi yeke mu yanga na lo ti tene.

Ndia ti fani use ni 32:47

Biani, so ayeke gi asenge tënë pepe. Atënë ni ayeke ndali ti fini ti ala; na lege ti atënë so laa fade gigi ti ala ayeke gue, ayo na sese so ala yeke fâ ngu ti Jourdain ti mu ni titene aga ti ala.”

Kolose 3:16

Ayeke nzoni tënë ti Christ so anzoni ye asi singo daa aduti na ya ti fini ti ala. Ala fa ye si ala mu wango na amba ti ala na popo ti ala na lege ti ndara kue. Ala he abia na Nzapa na be ti ala kue ti mu singila na lo, ala he abia ti Mbeti ti Nzapa, abia ti vorongo Nzapa na abia so Yingo ayeke mu na ala.

Ahebro 11:16

Me kodro so nzara ni ayeke sara ala so ayeke kodro so ayeke nzoni ahon atanga ni kue, so ti tene kodro ti yayu. Ndani laa kamene asara Nzapa pepe titene ala iri lo Nzapa ti ala. Biani, lo leke mbeni gbata ndali ti ala.

Ahebro 11:35

Na lege ti mabe, ambeni wali akiri awara azo ti ala so akui na peko ti so azo ni azingo na kuâ. Ti ambeni, a sara ala sana; me ala ke titene a sigigi na ala na ya ti sana ni ndali ti so ala ye ti duti na fini so ayeke nzoni ahon ti kozoni na peko ti zingongo ti ala na kuâ.

Josué 1:8

Ayeke nzoni atënë ti ya ti mbeti ti Ndia so angba lakue na yanga ti mo; mo gbu li ti mo daa bi na lâ, mo gi nga lege ti sara aye so kue alingbi na tënë so a su na ya ti mbeti ni. Tongaso si aye so kue mo leke na be ti mo ti sarango ni, mo yeke sara ni na legeni si aga nzoni.

Aye so Nzapa afa 19:10

Mbi kuku na gbe ti ange ni ti voro lo, me lo tene na mbi: “Sara ye tongaso pepe! Mbi yeke gi mba ti mo, zo ti kua; mbi yeke nga mba ti a-ita ti mo na ti azo so kue abata taa-tënë so Jésus afa. Mo voro gi Nzapa!” Taa-tënë so Jésus afa, ni laa amu ngangu na awayanga-Nzapa ti sara na kua ti ala.