Jean 5:30 - Mbeti ti Nzapa - Tënë so amu fini

³⁰ Mbi lingbi ti sara ye ti be ti mbi wani pepe. Mbi yeke fâ ngbanga gi na lege ti tënë so mbi ma. Ngbanga ti mbi ayeke na legeni, ndali ti so mbi yeke gi ti sara ye ti be ti mbi wani pepe, me ye so be ti lo so atokua mbi aye.”

Jean 5:30 ပူးပေါင်းရင်းမြစ်များ

Tongo nda ti aye 18:25

Titene mo bongbi azo ti mbirimbiri na azo ti sioni kue ti fâ ala, so alingbi na mo pepe. So ti fa atene, zo ti mbirimbiri na zo ti sioni kue gi legeoko? Sarango ye tongaso alingbi na mo pepe! Lo so ayeke fâ ngbanga na ndö ti azo ti dunia kue, lo lingbi ti fâ ngbanga ti kirikiri tongana nyen?”

Abia (Psaumes) 96:13

na dawa ti KOTA GBIA! Biani, lo yeke ga, lo yeke ga ti fâ ngbanga ti azo ti sese; lo yeke fâ ngbanga ti azo ti dunia so mbirimbiri, lo yeke fâ ngbanga ti azo na lege ti taa-tënë.

Ésaïe 28:6

Lo yeke mu yingo ti mbirimbiri na awafango-ngbanga; lo yeke mu ngangu na azo so ayeke tumba awato so ayeke na yanga ti gbata ni.

Sofonii 3:15

Ngbanga so *KOTA GBIA aye ti fâ na li ti ala so, lo zia ni awe; lo tumba awato ti ala yongoro awe. KOTA GBIA, gbia ti Israel, ayeke na popo ti ala, mbeni ye ti sioni ayeke kiri ti zia mbeto na be ti ala pepe.

Matthieu 26:39

Lo hon yongoro kete, lo ti, lo kpo li ti lo na sese, lo sambela, lo tene: “Babâ ti mbi, tongana lege ayeke daa, ayeke nzoni kopo ti pasi so ahon yongoro na tere ti mbi. Me mbi ye pepe titene mo sara ye so be ti mbi aye, me mo sara gi ye so be ti mo aye.”

Jean 14:10

Mbi na Babâ, e yeke oko; mo ma na be na ni pepe? Atënë so mbi yeke tene na ala so alondo na mbi pepe, me Babâ so e na lo, e yeke oko laa ayeke sara aye ti lo wani.

Jean 17:4

Mbi gonda mo na ndö ti sese so awe, mbi hunzi kua so mo mu na mbi ti sara awe.

Jean 18:11

Me Jésus atene na Pierre: “Kiri na yongoro zeme ti mo na ya ti bozo ni. Kopo ti pasi so Babâ amu na mbi so, mo baa ti mo, mo tene, mbi yeke nyon ni ande pepe?”

Jean 4:34

Jésus atene na ala: “Kobe ti mbi ayeke ti sara ye so be ti lo so atokua mbi aye, ti hunzi kua so lo mu na mbi ti sarango ni.

Jean 5:19

Jésus amu tënë si lo tene na ala: “Biani, mbi tene na ala taa-tënë: Molenge ni ayeke sara ye ti be ti lo wani pepe, lo yeke sara gi ye so lo baa Babâ ti lo na sarango ni. Ye so kue Babâ asara, Molenge ni nga ayeke sara,

Jean 6:38

Mbi londo na yayu, mbi ga na ndo so ti sara ye ti be ti mbi pepe, me ti sara ye so be ti lo so atokua mbi aye.

Jean 8:28

Jésus atene na ala: “Tongana ala kanga ande *Molenge ti Zo na nduzu, fade ala yeke hinga so ‘Mbi Yeke’; fade ala yeke hinga so mbi yeke sara ye gi na li ti mbi pepe, me mbi yeke tene gi tënë so Babâ afa na mbi.

Jean 8:42

Jésus atene na ala: “Tongana Nzapa ayeke fade Babâ ti ala, ka ala ye mbi, ngbanga ti so mbi londo na lo laa mbi ga. Mbi ga gi ti li ti mbi pepe, me lo laa lo tokua mbi.

Jean 8:50

Mbi yeke gi titene azo agonda mbi pepe, me mbeni zo ayeke daa so ayeke sara titene mbi wara gonda, lo laa lo yeke wafango-ngbanga.

Rome 15:3

Biani, Christ agi pepe ye so anzere na lo wani. Me tongana ti so Mbeti ti Nzapa atene: “Zongango so azo azonga mo ati na ndö ti mbi.”

Rome 2:2

Biani, e hinga so, na lege ti taa-tënë, Nzapa ayeke fâ ngbanga na li ti zo so ayeke sara aye tongaso.

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,