Jean 5:24 - Mbeti ti Nzapa - Tënë so amu fini

²⁴ “Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Jean 5:24 ပူးပေါင်းရင်းမြစ်များ

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Marc 16:16

Zo so ama na be si awara bateme, fade lo yeke soo kuâ, me zo so ama na be pepe, fade a yeke fâ ngbanga na li ti lo.

Jean 11:26

Zo so kue ayeke na fini si lo ma na be na mbi, lo yeke kui laoko pepe. Mo ma na be na tënë so?”

Jean 12:44

Jésus atene na kota go, atene: “Zo so ama na be na mbi, lo ma na be gi na mbi pepe, me lo ma na be nga na lo so atokua mbi.

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Jean 3:16

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

Jean 3:18

Zo so ama na be na Molenge ni, ngbanga ayeke na li ti lo pepe; me zo so ama na be pepe, Nzapa afâ ngbanga na li ti lo awe, ndali ti so lo ma na be na oko Molenge ti Nzapa pepe.

Jean 3:36

Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

Jean 4:36

Zo ti fango ale ti kobe ayeke wara futa ti lo fadeso si lo yeke bongbi ale ti kobe ni ndali ti fini so angba lakue lakue. Tongaso zo ti lungo kobe na zo ti fango ale ti kobe ni, ala kue awara ngia legeoko.

Jean 6:40

Ye so be ti Babâ ti mbi aye ayeke so: zo so kue abaa Molenge ni si ama na be na lo, lo yeke na fini so angba lakue lakue; fade mbi, mbi yeke zingo lo na kuâ na lango ti ndani.”

Jean 6:47

Biani, mbi tene na ala taa-tënë: “Zo so ama na be, lo yeke na fini so angba lakue lakue.

Jean 6:50

Me mapa so alondo na yayu si aga, zo so ate ni, fade lo yeke kui pepe.

Jean 6:51

Mbi yeke mapa so ayeke mu fini na zo, mapa so alondo na yayu si aga. Zo so ate mapa so, fade lo yeke ngba na fini lakue lakue. Mapa so mbi yeke mu ande ayeke tere ti mbi so ayeke sara titene azo ti dunia awara fini.”

Jean 6:58

Baa, mapa so alondo na yayu si aga laa: mapa ni ayeke nde na ti so akotara ti ala ate ando. Akotara ti ala akui, me zo so ate kobe so, lo yeke ngba na fini lakue lakue.”

Jean 8:51

Biani, mbi tene na ala taa-tënë: zo so asara ye alingbi na atënë ti mbi, fade lo yeke kui laoko pepe.”

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

1 Tesalonike 5:9

Nzapa asoro e titene ngonzo ti lo ati na ndö ti e pepe, me lo soro e titene e soo kuâ na lege ti Kota Gbia ti e Jésus Christ

1 Pierre 1:21

Na lege ti Christ, ala ma na be na Nzapa so azingo Christ na kuâ si amu na lo gonda. Tongaso, mabe ti ala na ye so ala zia be ti ala ti ku angba na ndö ti Nzapa.

1 Pierre 1:5

Aye ni so ayeke ndali ti ala, ala so ayeke na mabe. Lo yeke bata ala na lege ti ngangu ti lo titene lo soo ala si na ngoi ti ndani, azo kue ayeke baa ni.

1 Jean 3:14

Ti e, e hinga, e tene, e sigigi na gbe ti ngangu ti kuâ awe si e yeke na fini; e hinga ni, ngbanga ti so e ye a-ita ti e. Zo so aye ita ti lo pepe, andaa lo ngba na gbe ti ngangu ti kuâ.

1 Jean 5:1

Zo so kue ama na be so Jésus ayeke Christ, lo yeke molenge ti Nzapa; zo so kue aye Nzapa Babâ, lo ye nga amolenge ti lo.