Jean 5:23 - Mbeti ti Nzapa - Tënë so amu fini

²³ si azo kue alingbi ti ne Molenge ni tongana ti so ala yeke ne Babâ. Zo so ane Molenge ni pepe, andaa lo so Babâ atokua lo, lo ne lo pepe.

Jean 5:23 ပူးပေါင်းရင်းမြစ်များ

Abia (Psaumes) 2:12

Ala kuku ti voro molenge ti lo si lo sara ngonzo pepe. Tongana lo sara ngonzo, fade ala kui na lege ti sarango ye ti ala so. Biani, gi kete ye, ngonzo ti lo alondo tongana wâ. Ti ala nzoni, azo so kue akpe na lo ti bata tere ti ala.

Ésaïe 42:8

Mbi yeke KOTA GBIA, so iri ti mbi laa. Gonda so ayeke ti mbi, mbi yeke zia na mbeni zo nde pepe; nengo so ayeke ti mbi, mbi yeke zia na ayanda pepe.

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Ésaïe 45:15

Nzapa ti Israel, mo laa mo yeke soo zo; mo yeke taa Nzapa so mo yeke na hondengo ni.

Ésaïe 45:21

Ala ga afa so tënë ti ala ayeke na legeni! Ala bongbi, ala leke tënë na popo ti ala. Ye so asi laso, zo wa laa atene tënë ni kozoni si ye ni asi? Zo wa laa afa tënë ni ngbene ye giriri? Mbi KOTA GBIA laa mbi sara aye so pepe? Mbeni Nzapa nde ayeke daa pepe, gi mbi oko; mbeni Nzapa so ayeke mbirimbiri si ayeke soo zo ayeke daa pepe, gi mbi oko.

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Matthieu 10:37

Zo so aye babâ wala mama ti lo ahon mbi, lo lingbi ti duti disiple ti mbi pepe; zo so aye molenge ti lo ti koli wala ti wali ahon mbi, lo lingbi ti duti disiple ti mbi pepe.

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Matthieu 12:21

Fade amara nde ayeke zia be ti ala ti ku lo.”

Matthieu 15:8

‘Azo so ayeke ne mbi gi na yanga ti ala senge, me be ti ala ayeke yongoro na mbi mingi.

Matthieu 28:19

Tongaso, ala gue na ndo ti amara kue, ala sara si ala ga adisiple, ala batize ala na iri ti Babâ, ti Molenge na ti Yingo-Vuru;

Nzoni Tënë so Luc asu na mbeti 10:16

Jésus akiri atene na adisiple ti lo: “Zo so ama tënë ti ala, andaa lo ma tënë ti mbi; zo so ake ala, andaa lo ke mbi; zo so ake mbi, andaa lo ke lo so atokua mbi.”

Jean 14:1

Jésus atene na ala: “Ala gi be ti ala pepe; ala ma na be na Nzapa, ala ma na be na mbi nga.

Jean 16:14

Fade lo yeke gonda mbi, ngbanga ti so lo yeke mu tënë ti mbi ti tene na ala.

Jean 17:10

Ye ti mbi kue ayeke ti mo si ye ti mo kue ayeke ti mbi, nilaa azo ayeke baa gonda ti mbi na lege ti ala.

Rome 1:7

Mbi tokua mbeti so na ala so kue ayeke na Rome, ala so Nzapa aye ala mingi si lo iri ala ti ga azo ti lo. Ayeke nzoni Nzapa Babâ ti e na Kota Gbia Jésus Christ asara nzoni be na ala si amu na ala siriri.

Rome 15:12

Ésaïe nga atene: “Fade mbeni *hale ti Yese ayeke ga, lo yeke londo ande ti duti gbia na ndö ti amara nde; lo laa ala yeke zia be ti ala ti ku lo.”

Rome 6:22

Ti fadeso, Nzapa azi ala na gbe ti ngbaa ti siokpari awe si ala ga angbaa ti lo. Ye so ala yeke wara na peko ni ayeke fini so a zia nde ndali ti Nzapa si na ndani, ayeke fini so angba lakue lakue.

Rome 8:9

Ti ala, ala yeke sara ye alingbi na asioni nzara ti be ti ala pepe, me ala yeke sara ye alingbi na ye so Yingo aye, ngbanga ti so Yingo ti Nzapa ayeke duti na be ti ala. Tongana zo ayeke na Yingo ti Christ pepe, lo yeke zo ti Christ pepe.

1 Korente 1:3

Ayeke nzoni Nzapa Babâ ti e na Kota Gbia ti e Jésus Christ asara nzoni be na ala si amu na ala siriri!

1 Korente 10:31

Tongaso, ataa ala yeke te, ataa ala yeke nyon, ataa ye so kue ala yeke sara, ala sara ni kue ndali ti gonda ti Nzapa.

1 Korente 16:22

Tongana mbeni zo aye *Kota Gbia pepe, ayeke nzoni a deba lo! Maranata! – Kota Gbia, mo ga! –

1 Korente 6:19

Ala hinga pepe atene, tere ti ala ayeke da so Yingo-Vuru ayeke duti daa? Yingo-Vuru so alondo na Nzapa si ayeke na ya ti ala. Ala yeke duti gi ndali ti ala wani pepe.

2 Korente 1:9

E baa ti e, e tene, a fâ ngbanga ti kuâ na li ti e awe. Me ye ni asara si e kiri e zia be ti e na ndö ti ngangu ti e wani pepe, me e zia be ti e na ndö ti Nzapa so ayeke zingo azo na kuâ.

2 Korente 5:14

Biani, ndoye ti Christ ahon ndö ti e awe, tongana e dabe ti e na tënë so: zo oko akui ndali ti azo kue, zo ni ayeke Christ, tongaso azo kue laa akui legeoko na lo.

2 Korente 5:19

Biani, Nzapa laa asara si songo akiri na popo ti lo na azo na lege ti Christ. Lo kanga le ti lo na ndö ti asiokpari ti azo, lo zia tënë ti lekengo songo na yanga ti e ti tene ni na azo.

Efeze 6:24

Ayeke nzoni Nzapa asara nzoni be na azo so kue aye Kota Gbia ti e Jésus Christ si ala ngba lakue ti ye lo!

2 Timothée 1:12

Ndani laa, mbi yeke baa pasi so, me kamene ayeke sara mbi pepe, ngbanga ti so mbi hinga zo so mbi zia be ti mbi na ndö ti lo. Mbi hinga nga so, zo ni ayeke na ngangu ti bata ye so lo zia na maboko ti mbi so ngbii asi na lango ti ndani.

Ahebro 1:6

Me na ndembe so Nzapa aye ti tokua kozo molenge ti lo na ndö ti dunia so, lo tene: “Alingbi a-ange ti Nzapa kue avoro lo.”

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

2 Pierre 3:18

Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.

1 Jean 2:23

Zo so ake Molenge ni, andaa lo ke nga Babâ ni awe; zo so ayamba Molenge ni, andaa lo yeke nga na Babâ ni.

2 Jean 1:9

Zo so kue azia mbeni tënë nde na ndö ti tënë so Christ afa si lo ngba na lege ti tënë ni pepe, andaa lo ke Nzapa awe. Zo so angba na lege ti tënë so Christ afa, andaa lo yamba Babâ na Molenge ti lo awe.