Jean 5:2 - Mbeti ti Nzapa - Tënë so amu fini

² Na Jérusalem, nduru na yanga ti gbagba ti gbata ni so iri ni Ti-ataba, mbeni ngu ayeke daa, iri ni na yanga ti hebro ayeke Betzata. Averanda oku ayeke na tere ti ngu ni.

Jean 5:2 ပူးပေါင်းရင်းမြစ်များ

Néhémie 12:39

E kiri e hon na ndö ti yanga ti gbagba so iri ni Ti-Efraim, na ndö ti yanga ti gbagba so iri ni Ti-Yeshana nga na ndö ti yanga ti gbagba so iri ni Ti-asusu. Na pekoni, e londo na kota da ti Hananeel so ayo na nduzu nga na kota da so iri ni Ngbangbo, e hon yanga ti gbagba so iri ni Ti-ataba si e gue, e luti na yanga ti gbagba so iri ni Ti-aturugu.

Néhémie 3:1

Kota wayango-sandaga Eliashib alondo ti gbu kua ni, lo na amba ti lo awayango-sandaga. Ala kiri aleke yanga ti gbagba so iri ni Ti-ataba. So ala zia ayanga ti gbagba ni daa awe, ala zia ni nde ndali ti Nzapa. Na pekoni, ala kiri aleke gbagba ni ague ngbii asi na tere ti kota da so ayo na nduzu so iri ni Ngbangbo. Ala zia nga ni nde ndali ti Nzapa. Ala hon ala si na kota da ti Hananeel so ayo na nduzu.

Néhémie 3:32

Ambeni zo ti lekengo aye na lôro, ala na azo ti dengo buze ni ayeke sara ti ala kua ni na tanga ti ndo ni so ayeke na popo ti ndo so asanziri ayeke duti daa nga na yanga ti gbagba so iri ni Ti-ataba.

Ésaïe 22:11

Ala leke mbeni ndo ti batango ngu na popo ti agbagba use so awe ndali ti ngu ti ngbene du ti batango ngu. Me lo so asara si aye so abaa gigi, ala baa ndo na mbage ti lo pepe. Lo sara aye ni ngbene ye aninga awe, me ala baa lo pepe.

Ésaïe 22:9

Adu so kue azo akoro na tere ti gbagba so ayeke bata Gbata ti David, ala baa ni awe. Ala to ngu awe, abata na ya ti du so ayeke na gbeni.

Jean 19:13

So Pilate ama tënë so, lo hunda titene a sigigi na Jésus. Pilate aduti na ndö ti mbata ti lo ti fango ngbanga, na ndo so iri ni “Litostrotos”; a iri ni na yanga ti hebro “Gabata”.

Jean 19:17

Lo wani, lo yo keke ti kroa ti lo, lo sigigi si lo gue na ndo so ala iri ni “Ndo-ti-abio-ti-li”; a iri ni na yanga ti hebro “Golgota.”

Jean 19:20

Ndo so a kanga Jésus na ndö ti keke ti kroa daa so ayo na gbata ni pepe, nilaa azuife mingi adiko mbeti ni. A su mbeti ni na yanga ti hebro, na greke nga na laten.

Jean 20:16

Jésus atene na lo: “Marie!” Marie abaa ndo na mbage ti lo si lo tene na yanga ti hebro, lo tene: “Rabuni!” Ndani atene: “Wafango-ye.”

Jean 5:3

Gba ti azo ti kobela alango na gbe ti averanda ni: awaziba, azo so gere ti ala abuba na azo so mbeni mbage ti tere ti ala abuba. [Ala yeke ku ndembe so ngu ni ayeke yingi,

Jean 7:21

Jésus akiri tënë na ala: “Mbi sara gi ye oko si li ti ala kue akpe!

Awatokua 21:40

Kota komanda ti aturugu ni ayeda. Paul aluti na ndö ti eskalie ni si lo sara maboko ti lo na azo ni, azo ni kue akai si ndo ade. Tongaso Paul atene na ala na yanga ti *arameen, atene:

Aye so Nzapa afa 16:16

Ayingo ni abongbi agbia ni na ndo so a iri ni na yanga ti hebro “Harmagedon”.

Aye so Nzapa afa 9:11

Gbia ti agbadola ni ayeke ange ti ya ti kota du so alinda mingi. Iri ti lo na yanga ti hebro ayeke “Abadon”; iri ti lo na yanga ti greke ayeke “Apolion”, nda ti iri so atene “zo ti bubango ye”.