Jean 5:18 - Mbeti ti Nzapa - Tënë so amu fini

¹⁸ Na ndö ti tënë so, amakonzi ti azuife ayeke gi lege ngangu ti fâ Jésus, ngbanga ti so lo ke ti kpe ndia ti lango ti wungo tere si na ndö ni, lo kiri lo tene, Nzapa ayeke taa Babâ ti ni; so aye ti fa atene, lo yeke legeoko na Nzapa.

Jean 5:18 ပူးပေါင်းရင်းမြစ်များ

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Matthieu 12:5

Na mbage, na lango ti wungo tere, awayango-sandaga ayeke sara kua na ya ti kota da ti Nzapa, me a fâ ngbanga na li ti ala pepe! Ala diko tënë ni na ya ti Ndia ti Moïse pepe?

Jean 1:19

Amakonzi ti azuife ti Jérusalem airi awayango-sandaga na azo ti mara ti Lévi si atokua ala na Jean, ti hunda lo, atene: “Mo yeke zo wa?”

Jean 10:30

Mbi na Babâ, e yeke oko.”

Jean 10:33

Azuife akiri tënë, atene: “E ye ti bo mo ngbanga ti mbeni nzoni ye ni pepe, me ngbanga ti so mo zonga Nzapa: mo yeke gi zo senge, me mo ye ti sara tere ti mo Nzapa!”

Jean 14:23

Jésus akiri tënë na lo, atene: “Zo so aye mbi, fade lo yeke sara ye so mbi tene na lo. Babâ ti mbi ayeke ye lo si mbi na Babâ, e yeke ga ti duti na lo.

Jean 14:9

Jésus akiri tënë, atene: “Aninga mingi so mbi yeke na popo ti ala. Philippe, ade mo hinga mbi pepe? Zo so abaa mbi, andaa lo baa Babâ awe. Ngbanga ti nyen laa mo kiri mo hunda mbi, mo tene: ‘Fa na e Babâ’ so?

Jean 19:7

Azuife akiri tënë na lo: “Mbeni ndia ti e ayeke daa; na lege ti ndia ni so, lo lingbi na kuâ, ngbanga ti so lo tene, ni yeke Molenge ti Nzapa.”

Jean 5:15

Koli ni ague, lo tene na amakonzi ti azuife, lo tene: “Jésus laa asara si tere ti mbi aga nzoni.”

Jean 5:16

Nilaa ala to nda ti gi Jésus na tënë, ngbanga ti so lo sara ye so na lango ti wungo tere.

Jean 5:17

Me Jésus akiri tënë na ala: “Babâ ti mbi ayeke sara kua lakue, mbi nga, mbi yeke sara kua.”

Jean 5:23

si azo kue alingbi ti ne Molenge ni tongana ti so ala yeke ne Babâ. Zo so ane Molenge ni pepe, andaa lo so Babâ atokua lo, lo ne lo pepe.

Jean 7:1

Na pekoni, Jésus atambula na ya ti sese ti Galile; lo ye ti tambula na ya ti sese ti Judée pepe, ngbanga ti so azuife ayeke gi lege ti fâ lo.

Jean 7:19

Moïse amu ando *Ndia na ala pepe? Me zo oko na popo ti ala abata ndia ni pepe. Ala yeke gi lege ti fâ mbi ngbanga ti nyen?”

Jean 8:54

Jésus akiri tënë na ala, atene: “Tongana mbi gonda tere ti mbi wani, gondango tere ti mbi ni ayeke mbeni ye pepe. Zo ti gondango mbi ayeke Babâ ti mbi, lo so ala tene: ‘Lo yeke Nzapa ti e’ so;

Jean 8:58

Jésus akiri tënë na ala, atene: “Biani, mbi tene na ala taa-tënë: kozo si a du Abraham, ‘Mbi Yeke.’ ”

Filipe 2:6

Lo so lo yeke lakue lakue legeoko na Nzapa, na le ti lo, dutingo legeoko na Nzapa ayeke mbeni ye ti gbu na ngangu pepe.

Aye so Nzapa afa 22:1

Na pekoni, *ange ni afa na mbi kota *bale so ayeke mu fini na zo; zo ayeke baa ndo na ya ti bale ni kue. Ngu ni alondo na mbage ti mbata ti Gbia Nzapa na ti Molenge ti Taba si ayeke sigigi.

Aye so Nzapa afa 22:3

Mbeni ye so Nzapa adeba ni ayeke duti ande na ya ti gbata ni pepe. Mbata ti Gbia Nzapa na ti Molenge ti Taba ayeke duti na ya ti gbata ni si azo ti kua ti lo ayeke voro lo.