Jean 5:15 - Mbeti ti Nzapa - Tënë so amu fini

¹⁵ Koli ni ague, lo tene na amakonzi ti azuife, lo tene: “Jésus laa asara si tere ti mbi aga nzoni.”

Jean 5:15 ပူးပေါင်းရင်းမြစ်များ

Marc 1:45

Me koli so ahon gi kete, lo to nda ti dekongo na tënë ni si lo fa ni na azo kue. Ndani laa, Jésus alingbi ti li na ya ti ambeni gbata na le ti azo pepe; lo gue, lo duti na ndo so azo ayeke daa pepe. Azo alondo na ya ti ando nde nde si ala gue na lo kâ.

Jean 1:19

Amakonzi ti azuife ti Jérusalem airi awayango-sandaga na azo ti mara ti Lévi si atokua ala na Jean, ti hunda lo, atene: “Mo yeke zo wa?”

Jean 4:29

“Ala ga abaa mbeni koli so atene na mbi tënë ti aye so kue mbi sara. Wala Mesii ni laa?”

Jean 5:10

Tongaso azuife atene na koli so tere ti lo aga nzoni so, atene: “Laso ayeke lango ti wungo tere; *Ndia ake na mo ti yo konza ti mo ti tambula na ni.”

Jean 5:12

Ala hunda lo, atene: “Zo wa laa atene na mo, atene: ‘Mu konza ti mo, mo tambula’ so?”

Jean 5:16

Nilaa ala to nda ti gi Jésus na tënë, ngbanga ti so lo sara ye so na lango ti wungo tere.

Jean 5:18

Na ndö ti tënë so, amakonzi ti azuife ayeke gi lege ngangu ti fâ Jésus, ngbanga ti so lo ke ti kpe ndia ti lango ti wungo tere si na ndö ni, lo kiri lo tene, Nzapa ayeke taa Babâ ti ni; so aye ti fa atene, lo yeke legeoko na Nzapa.

Jean 9:15

Tongaso afarizien nga ahunda koli ni na ye so asara si lo yeke baa ndo so. Koli ni atene na ala: “Lo zia potopoto na le ti mbi, mbi sukula le ti mbi ni si fadeso mbi yeke baa ndo.”

Jean 9:25

Koli ni akiri tënë, atene: “Ataa lo yeke zo ti siokpari-oo, ataa lo yeke zo ti siokpari pepe-oo, mbi hinga gi ye oko: mbi yeke lani waziba, me fadeso mbi yeke baa ndo.”

Jean 9:30

Koli ni akiri tënë, atene: “Ae, ala ma mbeni ye ti kpene! Ala hinga ndo so lo londo daa si lo ga pepe? Ka so lo zi le ti mbi so.

Jean 9:34

Ala kiri tënë, atene: “Mo, a du mo si mo kono gi na ya ti siokpari, mo ye ti fa ye na e?” Na pekoni, ala tumba lo na ya ti da ti sambela ni.