Jean 4:7 - Mbeti ti Nzapa - Tënë so amu fini

⁷ Mbeni wali ti gbata ti Samarii aga ti to ngu. Jésus atene na lo: “Mu na mbi ngu, mbi nyon.”

Jean 4:7 ပူးပေါင်းရင်းမြစ်များ

Tongo nda ti aye 24:17

Zo ti kua ti Abraham akpe, ague, awara lo si atene na lo: “Mbi gbu gere ti mo, mu na mbi mbeni ngu so ayeke na ya ti ta ti mo so kete, mbi nyon!”

Tongo nda ti aye 24:43

Baa, mbi laa na tere ti du ti ngu so. Maseka-wali so ayeke ga ti to ngu si mbi yeke hunda na lo titene lo mu mbeni ngu ti ya ti ta ti lo, mbi nyon,

1 Agbia 17:10

Élie alondo ague na Sarepta. So lo si na yanga ti gbata ni, lo baa mbeni wali-mua so ayeke ro akeke ti wâ. Élie airi wali ni si atene na lo: “Mbi gbu gere ti mo, gue, mo to na mbi ngu kete, mbi nyon maa!”

Matthieu 10:42

Mbi tene na ala taa-tënë: zo so amu ngu ti nyongo ni na mbeni senge zo oko so ndali ti so lo yeke disiple ti mbi, ataa ayeke kete kopo ti ngu ti de, fade lo yeke wara nzoni ye na peko ni.”

Jean 19:28

Na pekoni, Jésus ahinga atene, fadeso ye kue ahunzi awe. Ti sara si tënë ti Mbeti ti Nzapa aga taa-tënë, lo tene: “Nzara ti ngu asara mbi!”

Jean 4:10

Jésus akiri tënë na lo: “Tongana mo hinga fade ye so Nzapa ayeke mu na zo si mo hinga zo so ayeke hunda ngu ti nyongo ni na maboko ti mo so, ka mo wani laa mo yeke hunda na lo ngu so ayeke sara titene zo angba na fini.”

Jean 4:6

Du ti ngu ti Jacob ayeke kâ. Jésus awoko na peko ti tambula si lo duti na yanga ti du ti ngu ni. Andaa bekombite aga nduru awe.

Jean 4:8

Andaa adisiple ti Jésus ahon ti ala na gbata ni ti vongo kobe.