Jean 4:53 - Mbeti ti Nzapa - Tënë so amu fini

⁵³ Babâ ni adabe ti lo so, ayeke gi na ngbonga ni so laa Jésus atene na lo, atene: “Molenge ti mo ayeke na fini!” Nilaa lo na azo ti sewa ti lo kue ama na be.

Jean 4:53 ပူးပေါင်းရင်းမြစ်များ

Abia (Psaumes) 107:20

Lo tokua tënë ti lo ti kai kobela ti ala, lo zi ala na ya ti kuâ so ala yeke daa.

Abia (Psaumes) 33:9

Lo laa lo tene tënë si ye ni asi; lo laa lo mu yanga si ye ni abaa gigi.

Matthieu 8:13

Na pekoni, Jésus atene na kapita ti aturugu ni, atene: “Kiri na da ti mo! Fade ye ni ayeke si alingbi na mabe ti mo.” Gi na ndembe ni so, kobela ti zo ti kua ni akai.

Nzoni Tënë so Luc asu na mbeti 19:9

Jésus atene na lo: “Laso, Nzapa asoo azo ti da so awe, ngbanga ti so Zachée nga ayeke *hale ti Abraham.

Jean 4:51

So lo ngba na lege ti kiri na kodro, azo ti kua ti lo aga si ala tene na lo: “Molenge ti mo ayeke na fini!”

Jean 4:52

Kota zo ni ahunda ala, atene: “Tere ti molenge ni aga nzoni na ngbonga ti nyen?” Ala kiri tënë na lo: “Biri, na ngbonga oko ti peko ti bekombite si tere ti lo so amu wâ so ade.”

Awatokua 11:14

Fade lo yeke tene mbeni tënë na mo si na lege ti tënë ni so, mo na azo ti sewa ti mo kue ayeke soo kuâ.’

Awatokua 16:15

Na peko ti so lo na azo ti da ti lo awara bateme, lo iri e, lo tene: “Tongana ala baa so mbi ma na be na Kota Gbia biani, ala ga, alango na ya ti da ti mbi.” Lo voro e ngbii si e yeda.

Awatokua 16:34

Tongaso lo mu Paul na Silas, lo gue na ala na da ti lo si lo mu na ala kobe ti te. Be ti lo na azo ti sewa ti lo kue asi na ngia, ngbanga ti so ala ma na be na Nzapa.

Awatokua 18:8

Krispus, makonzi ti da ti sambelango Nzapa ni ama na be na *Kota Gbia, lo na azo ti sewa ti lo kue. Ambeni zo ti Korente mingi ama tënë so Paul afa, ala ma na be si ala wara bateme.

Awatokua 2:39

Biani, Nzapa amu zendo ni ndali ti ala, ndali ti amolenge ti ala nga ndali ti gba ti azo so kue ayeke na yongoro ndo, ala so kue fade Nzapa, Kota Gbia ti e ayeke iri ala.”