Jean 4:5 - Mbeti ti Nzapa - Tënë so amu fini

⁵ Lo si na ya ti mbeni kete kodro ti Samarii so iri ni Sikar, nduru na yaka so Jacob amu na molenge ti lo Joseph.

Jean 4:5 ပူးပေါင်းရင်းမြစ်များ

Tongo nda ti aye 33:19

Lo vo mbeni sese na maboko ti amolenge ti Hamor, babâ ti Sishem na ale ti nginza ngbangbo oko. Lo sara da ti lo ti bongo na ndo ni so.

Tongo nda ti aye 48:22

Na ndö ti sese so mo wara, mbi yeke mu nga na mo Sishem. Mbi yeke mu na mo mbage ti sese oko ahon ti a-ita ti mo. Mbi tiri bira na azo ti mara ti Amori si mbi mu sese ni na maboko ti ala na lege ti yongoro zeme nga na kokora.”

1 Agbia 13:32

Biani, tënë so lo tene so, KOTA GBIA laa azia na yanga ti lo si lo tene na tere ti gbalaka ti Betel nga na tere ti ada so kue a leke na ndö ti ahoto ti voro anzapa nde daa na ya ti agbata ti Samarii.”

Nzoni Tënë so Luc asu na mbeti 9:52

Lo tokua ambeni zo titene ala hon kozoni na lo. Azo ni amu lege ague si ala li na ya ti mbeni kete kodro ti Samarii, ti leke ndo ti ku na lo.

Jean 4:12

Kotara ti e Jacob laa azia na e du ti ngu so; lo na amolenge ti lo na anyama ti lo kue anyon ngu ti ya ni. Mo yeke kota, mo hon lo?”

Jean 4:39

Azo ti Samarii mingi ti kete ti kodro ti Sikar ama na be na Jésus ngbanga ti tënë so wali so atene na ala, atene: “Lo tene na mbi tënë ti aye so kue mbi sara.”

Jean 4:6

Du ti ngu ti Jacob ayeke kâ. Jésus awoko na peko ti tambula si lo duti na yanga ti du ti ngu ni. Andaa bekombite aga nduru awe.

Jean 4:8

Andaa adisiple ti Jésus ahon ti ala na gbata ni ti vongo kobe.

Josué 24:32

Ti abio ti Joseph so azo ti Israel amu na Ezipte si akiri na ni, ala lu ni na Sishem, na sese so Jacob avo na maboko ti amolenge ti Hamor, babâ ti Sishem. Lo vo ni na ale ti nginza ngbangbo oko. Sese ni aga fadeso ti amolenge ti Joseph.