Jean 4:48 - Mbeti ti Nzapa - Tënë so amu fini

⁴⁸ Jésus atene na lo: “Tongana ala baa ye ti kpene na ye ti dongo pepe, fade ala yeke ma na be oko pepe!”

Jean 4:48 ပူးပေါင်းရင်းမြစ်များ

Daniel 4:2

Na mbeni bi, tongana mbi yeke na ndö ti gbogbo ti mbi, mbi baa li ti mbi. Bango-li ni azia mbeto mingi na be ti mbi si be ti mbi angba lakue gi na nduzu ndali ti aye so mbi baa.

Daniel 6:27

“Mbi mu yanga na ala kue, mbi tene: Na ya ti kodro so kue ayeke na gbe ti komandema ti mbi, alingbi azo kue akpe mbeto ti Nzapa ti Daniel si ane lo. Biani, lo yeke Nzapa so ayeke na fini, lo ngba lakue lakue. Lengo-gbia ti lo ayeke ngba kpu na kpu, fade ngoi ti lo ti duti gbia ayeke hunzi laoko pepe.

Wungo ti azo 14:11

*KOTA GBIA atene na Moïse: “Azo so ayeke ngba ti ke mbi ngbii asi lawa? Ala yeke ke ti zia be ti ala na ndö ti mbi ngbii asi lawa, ataa aye ti kpene so kue mbi sara na popo ti ala?

Matthieu 16:1

*Afarizien na *asadusien aga nduru na tere ti Jésus; ala ye ti sara si lo ti na ya ti gbanda ti ala. Nilaa ala hunda na lo titene lo sara mbeni ye ti kpene ti fa na ala so Nzapa laa atokua lo.

Matthieu 24:24

Biani, fade amesii ti mvene na awayanga-Nzapa ti mvene ayeke ga si ala yeke sara akota ye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Matthieu 27:42

“Lo soo ambeni zo na kuâ, me lo lingbi ti soo tere ti lo wani pepe! So gbia ti Israel ni laa? Lo londo fadeso na ndö ti keke ti kroa, lo zu na sese si fade e ma na be na lo.

Marc 13:22

Biani, fade amesii ti mvene na awayanga-Nzapa ti mvene ayeke ga si ala yeke sara aye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Nzoni Tënë so Luc asu na mbeti 10:18

Jésus atene na ala: “Mbi baa Satan alondo na yayu ati tongana wâ ti bekpa.

Nzoni Tënë so Luc asu na mbeti 16:31

Abraham atene: ‘So ala ma Moïse na awayanga-Nzapa pepe so, tongana mbeni zo azingo na kuâ si ague, atene tënë na ala, ala lingbi ti yeda nga pepe.’ ”

Jean 12:37

Ataa aye ti kpene so kue Jésus asara na le ti azo ni, ala ma na be na lo pepe.

Jean 15:24

Aye so zo asara laoko pepe, mbi sara ni na popo ti azo ti dunia. Tongana mbi sara ni fade pepe, ka siokpari ayeke na li ti ala pepe. Fadeso, ala baa aye so kue mbi sara, me ala ngba ti ke mbi nga na Babâ ti mbi.

Jean 2:18

Amakonzi ti azuife ahunda lo, atene: “Ye ti kpene wa laa mo yeke sara ti fa na e so, Nzapa laa amu na mo lege ti sara ye so?”

Jean 20:29

Jésus atene na lo: “Ngbanga ti so mo baa mbi laa mo ma na be? Ti ala nzoni, ala so abaa mbi pepe si ala ma na be!”

Jean 4:49

Kota zo ni atene na Jésus: “*Kota Gbia, mo gue hio si, tongaso pepe molenge ti mbi ayeke kui.”

Awatokua 14:3

Ataa so kue, Paul na Barnabas angba na Ikoniom aninga. Ala fa tënë ti *Kota Gbia na mbeto pepe, ngbanga ti so ala zia be ti ala kue na ndö ti lo. Lo mu na ala ngangu ti sarango aye ti kpene na aye ti dongo be ti fa na azo atene, atënë so ala yeke fa na ndö ti nzoni be ti lo ayeke taa-tënë.

Awatokua 15:12

Azo ti ya ti bongbi ni kue aduti kpoo. Na pekoni, ala ma Barnabas na Paul so ayeke fa peko ti aye ti dongo be na aye ti kpene so Nzapa asara na azo ti amara nde na lege ti ala.

Awatokua 2:19

Fade mbi yeke sara aye ti dongo be na le ti nduzu si mbi yeke sara aye ti kpene na ndö ti sese: mene, wâ na ngbongboro guru ti wâ,

Awatokua 2:22

“Azo ti Israel, ala ma tënë so! Jésus, zo ti Nazaret ayeke mbeni zo so Nzapa afa na le ti ala so ni laa ni tokua lo. Nilaa Nzapa asara akota ye, na aye ti dongo be na aye ti kpene na lege ti lo. Ala wani, ala baa aye ni, ngbanga ti so aye ni kue asi gi na popo ti ala.

Awatokua 2:43

Awatokua asara aye ti dongo be mingi na aye ti kpene si mbeto agbu azo kue.

Awatokua 4:30

Fa ngangu ti mo, tongaso si na iri ti Jésus, zo ti kua ti mo so ayeke nde si ayeke nzoni kue, kobela ti azo akai si aye ti kpene na aye ti dongo be aduti daa.”

Awatokua 5:12

*Awatokua asara aye ti kpene na aye ti dongo be mingi na popo ti azo. Azo ti Jésus kue ayeke bongbi tere na gbe ti veranda so iri ni Veranda ti Salomon.

Awatokua 6:8

Nzapa asara nzoni be mingi na Étienne si lo mu na lo ngangu mingi, nilaa Étienne ayeke sara akota ye ti kpene na aye ti dongo be na popo ti azo ni.

Awatokua 7:36

Moïse laa amu azo ni na Ezipte, lo sigigi na ala. Lo sara aye ti kpene na aye ti dongo be na Ezipte, na kota Ngu-bengba nga na ya ti benyama so ala sara ngu baleosio daa.

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

1 Korente 1:22

Azuife ayeke hunda ti baa ambeni ye ti kpene; agreke ayeke gi ti ma atënë ti ndara.

2 Korente 12:12

Aye so afa atene, mbi yeke watokua ti Christ, ala baa ni na popo ti ala kâ awe: mbi kanga be ti mbi na ya ti aye kue; ala baa aye ti kpene, aye ti dongo be na aye so Nzapa asara ti fa ngangu ti lo.

2 Tesalonike 2:9

Na gango ti Zo ti sioni so, fade Satan ayeke sara aye ti ngangu nde nde: Zo ti sioni ayeke sara akota ye, aye ti kpene na aye ti dongo be ti handa na azo.

Ahebro 2:4

Nzapa nga afa atene, tënë ni ayeke taa-tënë na lege ti aye ti kpene nde nde na aye ti dongo be nga na amatabisi ti Yingo-Vuru so lo kangbi na azo tongana ti so be ti lo aye.