Jean 4:41 - Mbeti ti Nzapa - Tënë so amu fini

⁴¹ Azo so ama na be na lege ti atënë ti lo wani ahon ala so ama na be na lege ti atënë ti wali so.

Jean 4:41 ပူးပေါင်းရင်းမြစ်များ

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Nzoni Tënë so Luc asu na mbeti 4:32

Azo so ama lo, li ti ala kue akpe ngbanga ti fango ye ti lo. Biani, lo yeke fa ye tongana zo ti komandema.

Jean 4:40

Tongaso azo ti Samarii asi na tere ti Jésus, ala voro lo titene lo ngba na popo ti ala. Jésus asara lango use na ndo so.

Jean 4:42

Azo ni atene na wali ni: “Gi ndali ti tënë so mo tene laa e ma na be pepe, me e wani, e ma lo. E hinga biani so lo yeke taa Wasongo azo ti dunia so.”

Jean 6:63

Yingo ti Nzapa laa ayeke mu fini na zo; zo alingbi ti wara fini na ngangu ti lo wani pepe. Atënë so mbi tene na ala ayeke tënë ti Yingo na tënë ti fini.

Jean 7:46

Aturugu ni akiri tënë na ala, atene: “Mbeni zo ti tene tënë tongana koli so ayeke daa oko pepe!”

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Awatokua 15:3

Azo ti Eglize ni amu aye na ala ndali ti lege. So ala yeke hon na ya ti sese ti Fenisii na ti Samarii, ala yeke fa na azo lege so azo ti amara nde akiri na mbage ti Nzapa. Tënë ni amu ngia na be ti a-ita, azo ti Christ kue.

Awatokua 8:12

Me na peko ti so ala ma na be na Nzoni Tënë ti *Kodro-gbia ti Nzapa so Philippe afa na ala na iri ti Jésus Christ, akoli na awali awara bateme.

Awatokua 8:25

Na peko ti so Pierre na Jean afa tënë ti ye so ala hinga na ndö ti Kota Gbia awe si ala fa nga tënë ti lo awe, ala mu lege ti kiri na Jérusalem. Na lege, ala yeke fa Nzoni Tënë na ya ti akete kodro mingi ti Samarii.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.