Jean 4:24 - Mbeti ti Nzapa - Tënë so amu fini

²⁴ Nzapa ayeke Yingo; azo so ayeke voro lo, ayeke nzoni ala voro lo na lege ti Yingo nga na lege ti taa-tënë.”

Jean 4:24 ပူးပေါင်းရင်းမြစ်များ

Abia (Psaumes) 145:18

KOTA GBIA ayeke nduru na azo so kue ayeke iri lo ti mu maboko na ala, ala so kue ayeke iri lo na be ti ala kue.

Abia (Psaumes) 50:23

Zo so sandaga ti lo ayeke singila so lo mu na mbi, lo laa lo yeke zo ti gondango mbi. Zo so abata lege ti lo mbirimbiri, mbi yeke fa na lo so mbi yeke wasongo- azo.

Abia (Psaumes) 51:17

Kota Gbia, zi yanga ti mbi si fade mbi he bia ti gonda mo.

Abia (Psaumes) 66:18

Tongana mbi bata fade sioni ye na be ti mbi, ka Kota Gbia ama mbi pepe.

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Jean 4:23

Me mbeni ngbonga ayeke ga si ngbonga ni alingbi awe so taa zo ti vorongo Babâ ayeke voro lo na lege ti Yingo nga na lege ti taa-tënë. Amara ti azo ti vorongo Nzapa tongaso laa Babâ ayeke gi ala.

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

2 Korente 3:17

Andaa Kota Gbia ayeke Yingo; ndo so Yingo ti Kota Gbia ayeke daa, ye ti zingo zo na gbe ti ngbaa ayeke daa.

Filipe 3:3

E so, e yeke voro Nzapa na lege ti Yingo ti lo si e yeke gonda tere ti e ndali ti gango so e ga oko na Jésus Christ so, e laa e fâ mbirimbiri ganza; e yeke zia be ti e na ndö ti e wani pepe.

1 Timothée 1:17

Ayeke nzoni azo ane Kota Gbia, ala gonda lo lakue lakue, lo yeke oko Nzapa, zo abaa lo pepe, lo yeke na fini lakue lakue, lo yeke Kota Gbia kpu na kpu! Amen.

1 Samuel 16:7

Me KOTA GBIA atene na Samuel: “Mo baa pendere ti lo wala yongo ti lo pepe. Mbi ke lo awe. Bango ndo ti mbi ayeke tongana bango ndo ti azo pepe. Azo ayeke baa ti ala gi ye so ayeke pika le ti ala; me mbi yeke baa ti mbi be ti zo.”