Jean 4:23 - Mbeti ti Nzapa - Tënë so amu fini

²³ Me mbeni ngbonga ayeke ga si ngbonga ni alingbi awe so taa zo ti vorongo Babâ ayeke voro lo na lege ti Yingo nga na lege ti taa-tënë. Amara ti azo ti vorongo Nzapa tongaso laa Babâ ayeke gi ala.

Jean 4:23 ပူးပေါင်းရင်းမြစ်များ

1 Mbai 29:17

Nzapa ti mbi, mbi hinga so mo laa mo yeke baa ya ti be ti zo si mo yeda na ye so ayeke mbirimbiri. Ti mbi, na be so ayeke mbirimbiri laa mbi mu aye so kue na mo na be ti mbi wani. Fadeso, mbi yeke na ngia ti baa azo ti mo so abongbi ge ti mu ye na mo na be ti ala wani.

Abia (Psaumes) 147:11

Me be ti KOTA GBIA anzere na azo so ayeke kpe mbeto ti lo, ala so azia be ti ala ti ku titene lo sara nzoni be na ala.

Abia (Psaumes) 17:1

Sambela ti David. *KOTA GBIA, ma tënë ti mbi, tënë ni ayeke na legeni; dingi mê ti mo, mo ma toto ti mbi na sambela ti mbi: tënë ti handango zo ayeke na yanga ti mbi pepe.

Abia (Psaumes) 32:2

Ti lo nzoni, zo so *KOTA GBIA adiko sioni ti lo na li ti lo pepe, so tënë ti handango zo ayeke na be ti lo pepe!

Abia (Psaumes) 51:6

Mbi sara siokpari so ake mo, ake gi mo oko; mbi sara ye so ayeke sioni na le ti mo. Tongaso, fade azo ayeke baa so mo yeke mbirimbiri na lege ti tënë ti yanga ti mo; fade ala yeke baa so fango ngbanga ti mo ayeke na legeni.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

B. ti abia 2:14

Mbipa ti mbi, mo so mo honde tere ti mo na ya ti adu ti têne so asuru so, na popo ti atêne so ayo na nduzu so, fa na mbi le ti mo, mbi baa si! Tene tënë, mbi ma go ti mo si! Biani, go ti mo apendere mingi si le ti mo apendere mingi.”

Ésaïe 10:20

Na lango ni so, tanga ti azo ti Israel na azo ti mara ti Jacob so angba na fini ayeke kiri ti zia be ti ala pepe na ndö ti azo so apika ala. Me ala yeke zia be ti ala kue na ndö ti *KOTA GBIA, Nzapa ti Israel, lo so lo yeke nde si lo yeke nzoni kue.

Ésaïe 29:13

*KOTA GBIA atene: “Azo so ayeke ga nduru na mbi gi na lege ti atënë senge, ala yeke ne mbi gi na atënë ti yanga senge, me be ti ala ayeke yongoro na mbi. Kpengo so ala yeke kpe mbi ayeke gi na lege ti ndia so azo afa na ala.

Ésaïe 43:21

Azo so mbi leke ala ndali ti mbi, ala yeke he bia ti sepela na mbi.”

Ésaïe 58:2

Na lango oko oko, ala yeke gi mbi, ala ye ti hinga lege ti mbi. Ala kpa azo so ayeke sara ye alingbi na ndia, azo so ado ndia ti Nzapa ti ala azia pepe. Ala yeke hunda na mbi ti fâ ngbanga mbirimbiri, ala ye titene mbi duti nduru na ala.

Jérémie 3:10

Ataa ye so kue asi, ita ti lo ti wali Juda-wali-gbanambana akiri na mbi na be ti lo kue pepe, me na lege ti handango ndo”; so tënë ti yanga ti KOTA GBIA laa.

Jérémie 4:2

Tongana mo deba yanga ti mo na lege ti taa-tënë nga na lege ti tënë so ayeke na legeni si ayeke mbirimbiri, mo tene: ‘KOTA GBIA ayeke na fini’, fade amara nde ayeke sara tufa na ndö ti ala wani na lege ti lo si ala yeke pika kate ti ala ndali ni.

Ezekiel 22:30

Mbi gi mbeni zo na popo ti ala titene lo leke gbagba ti bata na kodro ni, ti luti na dawa ti mbi na ndo so du akoro daa na tere ti gbagba ni; tongaso si mbi buba kodro ni pepe; me mbi wara zo oko pepe.

Jean 1:17

Nzapa amu ando *Ndia na e na lege ti Moïse, me nzoni be na taa-tënë aga na lege ti Jésus Christ.

Jean 12:23

Jésus akiri tënë na ala, atene: “Ngbonga titene a gonda *Molenge ti Zo alingbi awe.

Jean 16:2

Fade azo ayeke tumba ala na ya ti ada ti sambelango Nzapa. Na ndö ni, ngbonga ni ayeke ga so fade ambeni zo ayeke fâ ala si azo ni ayeke tene na be ti ala atene, kua ti Nzapa laa ala yeke sara so.

Jean 16:32

Baa, ngbonga ayeke ga si ngbonga ni alingbi awe so ala kue ayeke kangbi kirikiri, zo oko oko ayeke hon ti zia gi mbi oko. Me mbi yeke gi mbi oko pepe, ngbanga ti so Babâ ayeke na mbi.

Jean 4:21

Jésus akiri tënë na lo: “Wali, mo ma tënë ti mbi: ngbonga ayeke ga so fade ala yeke voro Babâ na ndö ti hoto so wala na Jérusalem pepe.

Jean 5:25

Biani, mbi tene na ala taa-tënë: mbeni ngbonga ayeke ga si ngbonga ni alingbi awe so akuâ ayeke ma go ti Molenge ti Nzapa si ala so ama go ni ayeke kiri ti duti na fini.

Jean 5:28

Nilaa, ayeke nzoni li ti ala azo, akpe pepe, ngbanga ti so ngbonga ni ayeke ga so, azo so ayeke na ya ti du ti kuâ ayeke ma go ti lo

Rome 1:9

Nzapa so mbi mu be ti mbi kue ti sara kua ti lo na lege so mbi yeke fa Nzoni Tënë ti Molenge ti lo, lo hinga so mbi yeke tene taa-tënë: mbi yeke zia ala lakue

Rome 8:15

Yingo so ala wara ayeke Yingo ti sarango ala na ngbaa pepe, Yingo ti ziango mbeto na be ti ala pepe, me Yingo so ayeke sara titene ala ga amolenge ti Nzapa. Na lege ti lo, e yeke dekongo na Nzapa, e tene: “Abba!”, so ti tene “Babâ!”

Rome 8:26

Yingo-Vuru nga ayeke mu maboko na e, e so e de ti kpengba pepe so. Biani, e hinga ti sambela na legeni pepe, me Yingo wani ayeke sambela ndali ti e, lo yeke dema na lege ti atënë so zo alingbi ti tene pepe.

Galasii 4:6

Ti fa so ala yeke amolenge ti lo biani, Nzapa atokua Yingo ti Molenge ti lo na be ti e kue, Yingo ni ayeke dekongo atene: “Abba!” so ti tene “Babâ!”

Efeze 6:18

Na ya ti aye so kue, ala sambela Nzapa titene lo mu na ala maboko; ala sambela na ngoi kue na lege ti Yingo. Ndani laa, le ti ala akpengba, ala sambela ndali ti azo ti Nzapa kue, ala ngba daa lakue.

Filipe 3:3

E so, e yeke voro Nzapa na lege ti Yingo ti lo si e yeke gonda tere ti e ndali ti gango so e ga oko na Jésus Christ so, e laa e fâ mbirimbiri ganza; e yeke zia be ti e na ndö ti e wani pepe.

Josué 24:14

Josué akiri atene: “Fadeso, ala kpe mbeto ti KOTA GBIA, ala sara kua na lo na legeni nga na be ti ala kue! Anzapa so akotara ti ala asara ando kua na ala na mbage ti ngu ti Efrate nga na ti Ezipte so, ala zi anzapa ni yamba si ala sara kua gi na KOTA GBIA.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

1 Samuel 12:24

Gi ye oko, ala kpe mbeto ti KOTA GBIA, ala sara kua na lo na lege ti mbirimbiri, na be ti ala kue. Ayeke nzoni ala hinga aye ti kpene so lo sara ndali ti ala.