Jean 4:16 - Mbeti ti Nzapa - Tënë so amu fini

¹⁶ Jésus atene na lo: “Gue mo iri koli ti mo, mo ga na lo.”

Jean 4:16 ပူးပေါင်းရင်းမြစ်များ

Jean 1:42

Na pekoni, lo mu Simon, lo gue na lo na Jésus. Jésus abaa Simon si lo tene na lo: “Mo yeke Simon, molenge ti Jean; fade azo ayeke iri mo Sefas.” – Nda ti iri so atene “Pierre”. –

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Jean 4:15

Wali ni atene na Jésus: “Kota zo, mu na mbi ngu so si nzara ti ngu akiri ti sara mbi pepe, tongaso si mbi kiri ti ga na ndo so ti to ngu pepe.”

Jean 4:17

Wali ni akiri tënë na lo: “Mbi yeke na koli pepe.” Jésus atene na lo: “Biani, tënë so mo tene: ‘Mbi yeke na koli pepe’ so ayeke taa-tënë,

Jean 4:18

ngbanga ti so mo yeke ando na akoli oku; lo so mo na lo ayeke duti fadeso ayeke koli ti mo pepe. Tënë so mo tene na mbi so ayeke taa-tënë.”

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.