Jean 4:15 - Mbeti ti Nzapa - Tënë so amu fini

¹⁵ Wali ni atene na Jésus: “Kota zo, mu na mbi ngu so si nzara ti ngu akiri ti sara mbi pepe, tongaso si mbi kiri ti ga na ndo so ti to ngu pepe.”

Jean 4:15 ပူးပေါင်းရင်းမြစ်များ

Abia (Psaumes) 4:6

Ala mu asandaga so alingbi na tënë ti ndia, ala zia be ti ala kue na ndö ti KOTA GBIA.

Jean 4:16

Jésus atene na lo: “Gue mo iri koli ti mo, mo ga na lo.”

Jean 6:26

Jésus akiri tënë na ala: “Biani, mbi tene na ala taa-tënë: ala yeke gi mbi ngbanga ti aye ti kpene so ala baa so pepe, me ngbanga ti so ala te mapa ngbii ya ti ala asi.

Jean 6:34

Ala tene na lo: “*Kota Gbia, mu na e mapa ni so lakue!”

Jean 6:35

Jésus atene na ala: “Mbi laa mbi yeke mapa so ayeke mu fini na zo. Zo so aga na mbi, fade nzara ti kobe ayeke sara lo laoko pepe; zo so ama na be na mbi, fade nzara ti ngu ayeke sara lo laoko pepe.

Rome 6:23

Biani, futa ti siokpari ayeke kuâ; me nzoni ye so Nzapa ayeke mu na zo senge senge ayeke fini so angba lakue lakue, na lege ti gango so e ga oko na Jésus Christ, *Kota Gbia ti e.

Rome 8:5

Biani, azo so ayeke sara ye alingbi na asioni nzara ti be ti ala, be ti ala kue ayeke gi na ndö ni; me ala so ayeke sara ye alingbi na ye so Yingo aye, be ti ala kue ayeke gi na ndö ti aye ti Yingo.

1 Korente 2:14

Zo so ayeke na Yingo ti Nzapa pepe, lo yeke yeda na aye ti Yingo ti Nzapa pepe: aye ni ayeke aye ti buba na le ti lo, lo lingbi ti ma ya ni pepe, ngbanga ti so zo alingbi ti hinga nda ni gi na lege ti Yingo.

Jacques 4:3

Tongana ala hunda mbeni ye, ala yeke wara ni pepe, ngbanga ti so ala hunda na legeni pepe, me ala hunda ni ti buba gi na lege ti anzara ti be ti ala.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.