Jean 3:36 - Mbeti ti Nzapa - Tënë so amu fini

³⁶ Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

Jean 3:36 ပူးပေါင်းရင်းမြစ်များ

Mbeti ti Job 33:28

Lo zi mbi si mbi zu na ya ti du ti kuâ pepe, nilaa mbi ngba na fini si mbi yeke baa lumiere so!”

Abia (Psaumes) 2:12

Ala kuku ti voro molenge ti lo si lo sara ngonzo pepe. Tongana lo sara ngonzo, fade ala kui na lege ti sarango ye ti ala so. Biani, gi kete ye, ngonzo ti lo alondo tongana wâ. Ti ala nzoni, azo so kue akpe na lo ti bata tere ti ala.

Abia (Psaumes) 36:9

Anzoni kobe asi singo na ya ti da ti mo, azo ayeke te ni ya ti ala asi; anzerengo ye ti mo ayeke tongana ngu ti *bale, azo ayeke nyon na ngia.

Abia (Psaumes) 49:19

So zo ni ade na fini, lo yeke pika kate ti lo, azo ayeke gonda lo, atene: “Ti mo nzoni, aye ti mo kue ayeke tambula nzoni!”

Habakuk 2:4

Su tënë ni tongaso: ‘Zo so baba ahon ndö ti lo, fade lo yeke kui; me fade zo ti mbirimbiri ayeke na fini na lege ti batango tënë ti yanga ti Nzapa.’

Wungo ti azo 32:11

‘Azo so alondo na kodro ti Ezipte si asigigi, ala so ngu ti ala ayeke baleuse wala ahon baleuse, sese so mbi mu zendo ti mu na Abraham, Isaac na Jacob, fade ala yeke baa ni pepe. Biani, ala ke ti sara ye alingbi na tënë ti yanga ti mbi.

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Marc 16:16

Zo so ama na be si awara bateme, fade lo yeke soo kuâ, me zo so ama na be pepe, fade a yeke fâ ngbanga na li ti lo.

Nzoni Tënë so Luc asu na mbeti 2:30

Biani, le ti mbi abaa awe zo ti mo so mo tokua lo ti soo azo na kuâ;

Nzoni Tënë so Luc asu na mbeti 3:6

tongaso si fade azo kue abaa lege so Nzapa ayeke soo azo na kuâ!”

Jean 1:12

Me azo so kue ayamba lo si ama na be na lo, lo mu na ala lege ti ga amolenge ti Nzapa.

Jean 10:28

Mbi yeke mu na ala fini so angba lakue lakue; ala yeke kui ande laoko pepe, zo oko alingbi ti gboto ala na maboko ti mbi pepe.

Jean 3:3

Jésus akiri tënë na lo: “Biani, mbi tene na mo taa-tënë: tongana a kiri a du zo pepe, lo lingbi ti baa *Kodro-gbia ti Nzapa pepe.”

Jean 4:36

Zo ti fango ale ti kobe ayeke wara futa ti lo fadeso si lo yeke bongbi ale ti kobe ni ndali ti fini so angba lakue lakue. Tongaso zo ti lungo kobe na zo ti fango ale ti kobe ni, ala kue awara ngia legeoko.

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Jean 6:58

Baa, mapa so alondo na yayu si aga laa: mapa ni ayeke nde na ti so akotara ti ala ate ando. Akotara ti ala akui, me zo so ate kobe so, lo yeke ngba na fini lakue lakue.”

Jean 8:51

Biani, mbi tene na ala taa-tënë: zo so asara ye alingbi na atënë ti mbi, fade lo yeke kui laoko pepe.”

Awatokua 14:2

Me ambeni zuife so ake ti ma na be apusu ambeni zo ti amara nde titene be ti ala aga sioni na tere ti a-ita.

Rome 4:15

Biani, Ndia ayeke sara si Nzapa asara ngonzo; me ndo so Ndia ayeke daa pepe, tënë ti kengo Ndia ayeke nga daa pepe.

Rome 5:9

Fadeso e ga mbirimbiri na le ti Nzapa na lege ti mene ti Christ. Na ndö ti so kue, na lege ti Christ, fade a yeke soo nga e na kuâ na ya ti ngonzo ti Nzapa.

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

Galasii 3:10

Me azo so azia be ti ala gi na ndö ti sarango aye alingbi na Ndia, deba ti Nzapa ayeke na li ti ala. Biani, Mbeti ti Nzapa atene: “Deba aga na li ti zo so asara ye pepe alingbi na atënë kue ti ya ti mbeti ti Ndia!”

Efeze 5:6

Ala zia mbeni zo ahanda ala na asenge senge tënë pepe. Asioni ye tongaso asara si ngonzo ti Nzapa ayeke ga na ndö ti azo so ake yanga ti lo.

1 Tesalonike 1:10

Fadeso ala yeke ku Jésus, Molenge ti lo so ayeke londo na yayu ti ga. Nzapa azingo Molenge ti lo ni na kuâ, lo so lo yeke zi e na gbe ti ngonzo ti Nzapa so ayeke ga.

1 Tesalonike 5:9

Nzapa asoro e titene ngonzo ti lo ati na ndö ti e pepe, me lo soro e titene e soo kuâ na lege ti Kota Gbia ti e Jésus Christ

Ahebro 10:29

Ti zo so abaa Molenge ti Nzapa buba na le ti lo, fade pasi ti zo ni ayeke hon ndoni. Andaa lo baa mene ti *mbuki so asukula asioni ti lo tongana senge ye na le ti lo si lo kiri lo tene sioni tënë na tere ti Yingo so ayeke sara nzoni be na zo.

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.

Ahebro 3:18

Nzapa adeba yanga ti lo, atene: “Fade ala yeke li na kodro so pepe, kodro so mbi leke titene ala wu tere ti ala daa so”. Lo deba yanga ni na azo wa? Na azo so asara ngangu li so.

Ahebro 3:19

Tongaso, e baa so azo ni ali na kodro ni pepe, ngbanga ti so ala ma na be pepe.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”