Jean 3:28 - Mbeti ti Nzapa - Tënë so amu fini

²⁸ Ala yeke lani daa si mbi tene: ‘Mbi yeke *Mesii pepe, me a tokua mbi ti ga kozo ti lo.’

Jean 3:28 ပူးပေါင်းရင်းမြစ်များ

Malashii 3:1

Tënë so *KOTA GBIA so ayeke na ndö ti dunia kue atene laa: “Baa, mbi yeke tokua zo ti mbi; lo yeke leke lege na dawa ti mbi. Gi hio tongaso, kota zo so ala yeke gi lo so, fade lo yeke si na ya ti kota da ti lo. Zo ti tokua so ala sara nzara ti lo so ayeke ga ti fa tënë ti *mbuki ti mbi na ala.

Matthieu 3:3

Jean ayeke zo so wayanga-Nzapa Ésaïe atene tënë ti lo ando, atene: “Mbeni zo ayeke dekongo na benyama kâ, atene: ‘Ala leke lege ti *Kota Gbia! Ala sara si lege ti lo aluti mbirimbiri!’ ”

Nzoni Tënë so Luc asu na mbeti 1:76

Me ti mo, kete molenge, fade azo ayeke iri mo wayanga-Nzapa ti lo so lo yeke na yayu kâ na ndö ti aye kue, ngbanga ti so fade mo yeke tambula na dawa ti Kota Gbia ti leke lege ti lo.

Jean 1:20

Jean atene tënë na ala polele, lo bere pepe, lo tene: “Mbi yeke ti mbi *Mesii pepe.”

Jean 1:23

Jean akiri tënë na ala: “Mbi yeke zo so ayeke dekongo na benyama, atene: ‘Ala sara si lege ti *Kota Gbia aluti mbirimbiri!’ ” – Tënë so wayanga-Nzapa Ésaïe atene ando laa.

Jean 1:25

Ala hunda lo, atene: “So mo yeke Mesii pepe, mo yeke Élie pepe, mo yeke Wayanga-Nzapa pepe, ka mo yeke batize azo ngbanga ti nyen?”

Jean 1:27

Lo yeke ga na peko ti mbi, mbi kpa zo ti zi akamba ti poro ti gere ti lo pepe.”