Jean 3:15 - Mbeti ti Nzapa - Tënë so amu fini

¹⁵ tongaso si azo so kue ama na be na Molenge ni ayeke na fini so angba lakue lakue.

Jean 3:15 ပူးပေါင်းရင်းမြစ်များ

Ésaïe 11:10

Na lango ni so, lo so ayeke molenge ti Yese ayeke ga bendere ndali ti azo ti sese. Amara nde ayeke gi lo; ndo so lo yeke duti daa, gonda ti Nzapa ayeke mu ni kue.

Ésaïe 45:22

Ala azo so kue ayeke lango na nda ti sese, ala kiri na mbage ti mbi si fade mbi soo ala. Biani, mbi yeke Nzapa, mbeni nde ayeke daa pepe.

Wungo ti azo 21:9

Moïse aleke ngbo ni na bengba wen, lo kanga ni na ndö ti keke na nduzu. Tongana ngbo ate mbeni zo si zo ni abaa ndo na mbage ti ngbo ti bengba wen ni, lo yeke kui pepe.

Matthieu 18:10

“Ala sara hange si ala baa mbeni molenge oko na popo ti amolenge so tongana mbumbuse zo pepe! Mbi tene na ala so *a-ange ti amolenge so ayeke kâ na yayu, ala yeke luti lakue na le ti Nzapa, Babâ ti mbi so ayeke na yayu. [

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Marc 16:16

Zo so ama na be si awara bateme, fade lo yeke soo kuâ, me zo so ama na be pepe, fade a yeke fâ ngbanga na li ti lo.

Nzoni Tënë so Luc asu na mbeti 19:10

Biani, *Molenge ti Zo aga ti gi na ti soo azo so agirisa awe.”

Jean 1:12

Me azo so kue ayamba lo si ama na be na lo, lo mu na ala lege ti ga amolenge ti Nzapa.

Jean 16:33

Mbi tene tënë so na ala titene ala duti na siriri na lege ti gango so ala ga oko na mbi. Na dunia so, fade ala yeke baa pasi, me ala gbu ngangu! Mbi hon dunia so na ngangu awe!”

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Jean 3:16

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

Jean 3:36

Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

Jean 6:40

Ye so be ti Babâ ti mbi aye ayeke so: zo so kue abaa Molenge ni si ama na be na lo, lo yeke na fini so angba lakue lakue; fade mbi, mbi yeke zingo lo na kuâ na lango ti ndani.”

Jean 6:47

Biani, mbi tene na ala taa-tënë: “Zo so ama na be, lo yeke na fini so angba lakue lakue.

Awatokua 13:41

‘Azo so abaa tënë ti Nzapa tongana buba ye so, ala baa! Ala sara mbeto si ala kpe ahon! Biani, na ngoi so ala de na fini, mbi yeke sara mbeni ye, ye so, ataa mbeni zo atene peko ni na ala, ala yeke yeda na ni pepe.’ ”

Awatokua 8:36

So ala ngba na lege ti gue, ala si na ndo so ngu ayeke daa. Mbaiwa ni atene: “Baa, ngu laa; nyen laa akanga lege na mbi ti wara bateme?” [

Rome 5:21

Siokpari ayeke lani na ngangu na ndö ti kuâ; legeoko nga, nzoni be ti Nzapa ayeke na ngangu ti mu fini so angba lakue lakue na lege ti Jésus Christ, *Kota Gbia ti e.

1 Korente 1:18

Biani, tënë ti keke ti kroa so e yeke fa ayeke buba tënë na le ti azo so ayeke mu lege ti kuâ; me ti e so e yeke soo kuâ, tënë ni ayeke ngangu ti Nzapa.

2 Korente 4:3

Tongana Nzoni Tënë so e yeke fa so angba na hondengo ni, angba na hondengo ni ndali ti azo so ayeke girisa lege,

Galasii 2:16

Me ye so e hinga ayeke so: zo aga mbirimbiri na le ti Nzapa gi na lege so lo ma na be na Jésus Christ, me sarango ye alingbi na *Ndia pepe. E nga, e ma na be na Jésus Christ awe, e ga mbirimbiri na le ti Nzapa na lege ti mabe; sarango ye alingbi na Ndia laa asara si e ga mbirimbiri pepe. Biani, sarango ye alingbi na Ndia laa asara si zo oko aga mbirimbiri na le ti Nzapa pepe.

Galasii 2:20

Nilaa, mbi laa mbi yeke na fini mbeni pepe, me Christ laa ayeke na fini na ya ti mbi. Na dutingo ti mbi ti zo, mbi yeke duti fadeso na fini gi na lege ti mabe so mbi yeke na ni na Molenge ti Nzapa, lo ye mbi si lo ka tere ti lo na kuâ ndali ti mbi.

Ahebro 10:39

Ti e, e yeke azo so ayeke zia lege ti mabe pepe ngbanga ti e girisa. Me e yeke azo so ama na be ti soo kuâ.

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

1 Jean 2:25

Ye so Christ amu zendo ti mu na e ayeke fini so angba lakue lakue.

1 Jean 5:1

Zo so kue ama na be so Jésus ayeke Christ, lo yeke molenge ti Nzapa; zo so kue aye Nzapa Babâ, lo ye nga amolenge ti lo.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.