Jean 3:14 - Mbeti ti Nzapa - Tënë so amu fini

¹⁴ Alingbi a kanga Molenge ti Zo na nduzu na ndö ti keke, tongana ti so Moïse akanga ando ngbo na nduzu na benyama,

Jean 3:14 ပူးပေါင်းရင်းမြစ်များ

2 Agbia 18:4

Ando so azo aleke na ndö ti ahoto ti voro anzapa nde daa, Ezekias azi ni. Angbongboro têne so azo aleke ni aluti na nduzu, lo kungbi ni na sese; lo fâ na sese akeke so a leke si aluti na nduzu ndali ti nzapa-wali *Ashera; ngbo so Moïse amu bengba wen si aleke na ni, lo fâ ya ni. Biani, azo ti Israel angba ti zö dukani na dawa ti ngbo ni so ngbii asi na ngoi ni kâ. Ala di iri ti ngbo ni Nehushtan.

Abia (Psaumes) 22:16

Lege ti go ti mbi ahole kasakasa tongana fango ta ti sese, be ti mbi ahole kue na nzara ti ngu. Mo zia mbi na yanga ti du ti kuâ awe.

Ésaïe 11:10

Na lango ni so, lo so ayeke molenge ti Yese ayeke ga bendere ndali ti azo ti sese. Amara nde ayeke gi lo; ndo so lo yeke duti daa, gonda ti Nzapa ayeke mu ni kue.

Matthieu 26:54

Tongana mbi iri a-ange ni, fade tënë ti Mbeti ti Nzapa ayeke ga taa-tënë tongana nyen? Mbeti ti Nzapa atene, fade ye ni ayeke duti tongaso.”

Matthieu 8:20

Jésus atene na lo: “Anyama ti gbungo kondo ayeke na du so ala yeke lango na ya ni, andeke ti nduzu ayeke na da ti lango ti ala; me *Molenge ti Zo ayeke na mbeni ndo ti ziango li ti lo daa pepe.”

Nzoni Tënë so Luc asu na mbeti 24:20

Akota wayango-sandaga na amakonzi ti e amu lo, aka lo titene a fâ ngbanga ti kuâ na li ti lo si a fâ lo na ndö ti keke ti kroa.

Jean 18:32

Ye ni asi si tënë so Jésus atene na ndö ti mara ti kuâ so fade lo yeke kui aga taa-tënë.

Jean 6:51

Mbi yeke mapa so ayeke mu fini na zo, mapa so alondo na yayu si aga. Zo so ate mapa so, fade lo yeke ngba na fini lakue lakue. Mapa so mbi yeke mu ande ayeke tere ti mbi so ayeke sara titene azo ti dunia awara fini.”

Jean 8:28

Jésus atene na ala: “Tongana ala kanga ande *Molenge ti Zo na nduzu, fade ala yeke hinga so ‘Mbi Yeke’; fade ala yeke hinga so mbi yeke sara ye gi na li ti mbi pepe, me mbi yeke tene gi tënë so Babâ afa na mbi.

Awatokua 2:23

A zia koli so na maboko ti ala, ala kanga lo na ndö ti keke ti kroa si ala fâ lo. Andaa Nzapa ahinga kozoni si lo leke na be ti lo awe.