Jean 21:5 - Mbeti ti Nzapa - Tënë so amu fini

⁵ Lo hunda ala, lo tene: “Tongana nyen amolenge, ala gbu susu pepe?” Ala kiri tënë na lo, atene: “E gbu susu pepe.”

Jean 21:5 ပူးပေါင်းရင်းမြစ်များ

1 Agbia 19:6

Élie abaa ndo si nduru na tere ti li ti lo, lo baa mbeni gatoo so a zö ni na ndö ti têne so amu wâ mingi; lo baa nga mbeni ngbenda ti ngu. Lo te, lo nyon si na pekoni lo kiri lo lango na sese.

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Matthieu 14:15

So lâ akui awe, adisiple aga nduru na tere ti lo si ala tene na lo: “Lâ akui awe, ndo so ayeke ngonda. Zia lege na azo ni ti gue na ya ti akete kodro ti vo kobe ti tengo ni.”

Marc 8:7

Ala yeke nga na ambeni kete susu. Jésus amu singila na Nzapa ngbanga ti asusu so si lo tene na adisiple ti lo ti kangbi nga ni na azo ni.

Filipe 4:19

Fade Nzapa ti mbi ayeke mu na ala ye so kue atia ala; lo yeke mu ni na ala na lege ti Jésus Christ, ngbanga ti so lo yeke na anzoni mosoro ahon ndoni.

Ahebro 13:5

Na lege ti sarango ye ti ala, alingbi nzara ti nginza ahon ndö ti ala pepe, me ala zia be ti ala gi na ye so ala yeke na ni, ngbanga ti so Nzapa wani atene: “Fade mbi yeke do mo ti zia mo pepe, mbi yeke zia mo oko pepe.”

1 Jean 2:13

Ababâ, mbi su mbeti so na ala, mbi tene: “Ala hinga awe lo so ayeke ngbene ye na tongo nda ni.” Amaseka, mbi su mbeti so na ala, mbi tene: “Ala hon ndö ti Sioni wato awe.”

1 Jean 2:18

Amolenge ti mbi, ngbonga ti ndani alingbi awe! Ala ma ando atene, Wato ti Christ ayeke ga. Andaa awato ti Christ asi singo fadeso. Tongaso e hinga, e tene, ngbonga ti ndani alingbi awe.