Jean 21:12 - Mbeti ti Nzapa - Tënë so amu fini

¹² Jésus atene na ala: “Ala ga, ate ye.” Mbeni disiple oko ti hunda lo: “Mo yeke zo wa?” ayeke daa pepe, ngbanga ti so ala hinga atene, so Kota Gbia laa.

Jean 21:12 ပူးပေါင်းရင်းမြစ်များ

Matthieu 22:46

Zo oko na popo ti ala awara tënë ti tenengo ni na Jésus pepe. Ti londo na lango ni so, zo oko na popo ti ala azi yanga ti hunda lo na mbeni tënë pepe.

Marc 9:32

Me adisiple ni ahinga nda ti tënë so pepe si mbeto ti hunda lo na tënë asara ala.

Nzoni Tënë so Luc asu na mbeti 9:45

Me adisiple ama ya ti tënë ni so pepe; nda ni ahonde na ala si ala ma ya ni pepe, me ala sara mbeto ti hunda nda ni na lo.

Jean 16:19

Jésus ahinga atene, ala ye ti hunda lo na tënë; nilaa lo tene na ala: “Mbi tene fade, mbi tene: ‘Ngoi angba gi kete titene ala kiri abaa mbi pepe si kete na pekoni, ala yeke kiri ti baa mbi.’ Tënë so ala yeke hunda tere na popo ti ala na ndö ni laa?

Jean 21:11

Simon Pierre ako na ya ti ngo si lo gboto gbanda ni lo sigigi na ni: akota susu so wungo ti ala ayeke ngbangbo oko na baleoku na ota ayeke na ya ni. Ataa so asusu ni ayeke mingi ahon ndoni, gbanda ni asuru pepe.

Jean 21:15

Na peko ti kobe ni, Jésus ahunda Simon Pierre, atene: “Simon, molenge ti Jean, mo ye mbi ahon ala so?” Simon akiri tënë: “Biani, *Kota Gbia, mo hinga so mbi ye mo.” Jésus atene na lo: “Bata akete taba ti mbi!”

Jean 4:27

Na ndembe ni so, adisiple ti lo asi. So ala baa, lo yeke tene tënë na wali, li ti ala kue akpe. Me zo oko na popo ti ala ti hunda lo ayeke daa pepe, ti tene: “Mo ye nyen?” wala: “Ngbanga ti nyen laa mo yeke tene tënë na lo?”

Awatokua 10:41

na azo kue pepe, me gi na e. Nzapa asoro e kozoni titene e baa lo si e fa peko ti ye so e baa. Na peko ti so lo zingo na kuâ, e na lo, e te, e nyon.