Jean 20:8 - Mbeti ti Nzapa - Tënë so amu fini

⁸ Tongaso, mbeni disiple ni, lo so asi fade na du ti kuâ kozoni so, lo li, lo baa si lo ma na be.

Jean 20:8 ပူးပေါင်းရင်းမြစ်များ

Nzoni Tënë so Luc asu na mbeti 16:31

Abraham atene: ‘So ala ma Moïse na awayanga-Nzapa pepe so, tongana mbeni zo azingo na kuâ si ague, atene tënë na ala, ala lingbi ti yeda nga pepe.’ ”

Jean 1:50

Jésus akiri tënë na lo, atene: “Mo ma na be, ngbanga ti so mbi tene: ‘Mbi baa mo na gbe ti keke ti fige so’? Fade mo yeke baa ambeni kota ye so ahon ti so!”

Jean 20:25

Ambeni disiple ni atene na Thomas: “E baa *Kota Gbia!” Thomas akiri tënë na ala, atene: “Tongana mbi baa ka ti pondi na ya ti amaboko ti lo pepe, mbi yoro li ti maboko ti mbi daa pepe si mbi yoro maboko ti mbi na ya ti ka ti kate ti lo pepe, mbi yeke ma na be oko pepe.”

Jean 20:29

Jésus atene na lo: “Ngbanga ti so mo baa mbi laa mo ma na be? Ti ala nzoni, ala so abaa mbi pepe si ala ma na be!”

Jean 20:4

Ala use kue ayeke kpe loro, me mbeni disiple ni akpe loro ngangu ahon Pierre; lo si na du ti kuâ ni kozoni.