Jean 20:23 - Mbeti ti Nzapa - Tënë so amu fini

²³ Tongana ala zi siokpari na li ti mbeni zo, fade siokpari ti zo ni ayeke hon. Tongana ala zi siokpari na li ti mbeni zo pepe, fade siokpari ayeke ngba na li ti lo.”

Jean 20:23 ပူးပေါင်းရင်းမြစ်များ

Matthieu 16:19

Mbi yeke mu ande na mo akerere ti yanga ti *Kodro-gbia ti yayu. Ye so kue mo yeke gbanzi lege ni na sese ge, fade Nzapa ayeke gbanzi lege ni na yayu kâ. Ye so kue mo yeke zi lege ni na sese ge, fade Nzapa ayeke zi lege ni na yayu kâ.”

Matthieu 18:18

“Mbi tene na ala taa-tënë: ye so kue ala yeke gbanzi lege ni na sese ge, fade Nzapa ayeke gbanzi lege ni na yayu kâ. Ye so kue ala yeke zi lege ni na sese ge, fade Nzapa ayeke zi lege ni na yayu kâ.

Jean 20:22

Na pekoni, lo huru pupu na ndö ti ala si lo tene: “Ala wara Yingo-Vuru!

Awatokua 10:43

Awayanga-Nzapa kue atene tënë ti lo, atene: ‘Zo so ama na be na lo, na iri ti lo, fade Nzapa ayeke zi asiokpari ti zo ni.’ ”

Awatokua 2:38

Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru.

1 Korente 5:4

Tongana ala yeke bongbi ande tere ti ala, mbi yeke na popo ti ala na lege ti yingo. Na iri ti *Kota Gbia Jésus nga na ngangu ti lo,

Efeze 2:20

Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.

1 Timothée 1:20

Himene na Alexandre ayeke na popo ti azo ni so. Mbi zia ala na maboko ti Satan titene ala manda ti kiri ti zonga Nzapa pepe.