Jean 20:22 - Mbeti ti Nzapa - Tënë so amu fini

²² Na pekoni, lo huru pupu na ndö ti ala si lo tene: “Ala wara Yingo-Vuru!

Jean 20:22 ပူးပေါင်းရင်းမြစ်များ

Tongo nda ti aye 2:7

KOTA GBIA Nzapa amu fuku ti sese, lo sara na zo. Na pekoni, lo huru pupu so ayeke sara titene zo aduti na fini na ya ti hon ti zo ni si zo ni aga zo so ayeke na fini.

Mbeti ti Job 33:4

Yingo ti Nzapa laa asara mbi; Nzapa so ngangu ti lo ahon angangu kue, pupu ti yanga ti lo laa amu fini na mbi.

Abia (Psaumes) 33:6

Na lege ti tënë ti lo, KOTA GBIA asara yayu; na lege ti pupu ti yanga ti lo, lo sara aye so kue ayeke na le ti nduzu.

Ezekiel 37:9

Tongaso KOTA GBIA atene na mbi: “Molenge ti zo, tene peko ti tënë ti yanga ti mbi na ndö ti pupu; tene peko ti tënë ti yanga ti mbi, mo tene: Tënë so Kota Gbia NZAPA atene ayeke so: ‘Pupu, londo na andangoro osio ti sese kue, mo ya na ndö ti akuâ so si ala kiri ti duti na fini!’ ”

Jean 14:16

Fade mbi yeke hunda na Babâ ti tokua mbeni Wagbungo-koko na ala titene lo ngba na ala lakue lakue:

Jean 15:26

“Mbi yeke tokua ande na ala Wagbungo-koko: lo yeke Yingo ti taa-tënë so alondo na Babâ si aga. Tongana lo ga, lo laa lo yeke tene tënë na ala na ndö ti mbi.

Jean 16:7

Andaa mbi tene na ala taa-tënë: ayeke nzoni titene mbi gue. Biani, tongana mbi gue pepe, Wagbungo-koko ayeke ga ande na tere ti ala pepe. Tongana mbi gue, fade mbi yeke tokua lo na ala.

Jean 20:21

Jésus akiri tënë na ala: “Siriri aduti na ala! Tongana ti so Babâ atokua mbi, mbi nga, mbi tokua ala.”

Jean 20:23

Tongana ala zi siokpari na li ti mbeni zo, fade siokpari ti zo ni ayeke hon. Tongana ala zi siokpari na li ti mbeni zo pepe, fade siokpari ayeke ngba na li ti lo.”

Jean 7:39

Jésus ayeke tene tënë ti Yingo-Vuru so fade azo so ama na be na lo ayeke wara. Na ndembe ni so Yingo-Vuru ade ti ga pepe, ngbanga ti so Jésus ade ti wara gonda ti lo pepe.

Awatokua 10:47

“Fadeso, azo so awara Yingo-Vuru gi tongana ti so e wara na ni. Alingbi ti gbanzi ala titene ala wara bateme ti ngu?”

Awatokua 19:2

lo hunda ala, lo tene: “So ala ma na be so, ala wara Yingo-Vuru awe?” Ala kiri tënë na lo: “E ma tënë ti Yingo-Vuru laoko pepe!”

Awatokua 2:38

Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru.

Awatokua 2:4

Ala kue asi na Yingo-Vuru si ala to nda ti tene tënë na ayanga nde nde tongana ti so Yingo amu na ala lege ti tenengo ni.

Awatokua 4:8

Tongaso Yingo-Vuru asi Pierre si lo tene na ala: “Ala amakonzi ti azuife na akangba,

Awatokua 8:15

So Pierre na Jean asi kâ, ala sambela ndali ti azo ti Samarii ni titene ala wara Yingo-Vuru.

Galasii 3:2

Mbi ye titene ala kiri tënë na mbi na ndö ti tënë oko so si: ala wara Yingo ti Nzapa ndali ti so ala sara ye alingbi na *Ndia wala na lege ti Nzoni Tënë so ala ma si ala ma na be na ni?