Jean 20:2 - Mbeti ti Nzapa - Tënë so amu fini

² Lo kpe, lo gue, lo si na Simon nga na mbeni disiple, lo so Jésus aye lo mingi so. Lo tene na ala: “A zi *Kota Gbia na ya ti du ti kuâ ni awe, e hinga ndo so a zia lo daa pepe!”

Jean 20:2 ပူးပေါင်းရင်းမြစ်များ

Jean 13:23

Mbeni disiple oko, lo so Jésus aye lo mingi, ayeke duti nduru na tere ti Jésus.

Jean 19:26

Jésus abaa mama ti lo na mbeni disiple ti lo so lo ye lo mingi, ala yeke luti kâ. Tongaso Jésus atene na mama ti lo: “Wali, baa, molenge ti mo laa.”

Jean 20:13

Ala hunda lo: “Wali, mo yeke toto ngbanga ti nyen?” Lo kiri tënë, lo tene: “Azo amu *Kota Gbia ti mbi ahon na lo awe; mbi hinga ndo so ala zia lo daa pepe.”

Jean 20:15

Jésus ahunda lo: “Wali, mo yeke toto ngbanga ti nyen? Zo wa laa mo yeke gi lo?” Marie abaa ti lo atene so walekengo-ndo ni so laa si lo tene: “Pakara, tongana mo laa mo mu lo, mo hon na lo, fa na mbi ndo so mo zia lo daa si mbi gue, mbi mu lo.”

Jean 20:9

Andaa tënë ti Mbeti ti Nzapa so atene, alingbi Jésus azingo na kuâ so, ala de ti ma ya ni pepe.

Jean 21:20

Pierre abaa ndo na peko si lo baa disiple so Jésus aye lo mingi, lo so na ndembe ti tengo kobe aba tere ti lo na mbage ti Jésus si ahunda lo, atene: “*Kota Gbia, zo wa laa ayeke ka mo so?”

Jean 21:24

Disiple ni so laa abaa aye ni, lo fa peko ni si lo su tënë ni na mbeti. E hinga so, tënë so lo tene ayeke taa-tënë.

Jean 21:7

Disiple so Jésus aye lo mingi so atene na Pierre: “*Kota Gbia laa!” So Pierre ama a tene, so Kota Gbia laa, lo yu bongo ti lo, ngbanga ti so lo zi ni. Na pekoni, lo huru lo ti na ya ti ngu.