Jean 20:16 - Mbeti ti Nzapa - Tënë so amu fini

¹⁶ Jésus atene na lo: “Marie!” Marie abaa ndo na mbage ti lo si lo tene na yanga ti hebro, lo tene: “Rabuni!” Ndani atene: “Wafango-ye.”

Jean 20:16 ပူးပေါင်းရင်းမြစ်များ

Tongo nda ti aye 22:1

Na peko ti aye so, Nzapa atara be ti Abraham. Lo iri lo, lo tene: “Abraham!” Abraham ayeda, atene: “Mbi laa.”

Tongo nda ti aye 22:11

Me na nduzu kâ, *ange ti KOTA GBIA airi Abraham, atene: “Abraham! Abraham!” Abraham ayeda, atene: “Mbi laa!”

Tongo nda ti aye 45:12

“Ala wani abaa na le ti ala, Benjamin nga, ita ti mbi abaa na le ti lo so mbi wani laa mbi yeke tene tënë so na ala.

Sigingo 3:4

So KOTA GBIA abaa atene, Moïse angoro ti baa ye ni so, na ya ti kete keke ti ki ni kâ, Nzapa airi lo: “Moïse, Moïse!” Moïse ayeda, atene: “Mbi laa!”

Sigingo 33:17

KOTA GBIA atene na Moïse: “Ye so mo hunda so, fade mbi yeke sara ni, ngbanga ti so mbi baa mo na nzoni le si mbi hinga mo na iri ti mo.”

B. ti abia 3:4

Mbi hon gi kete si mbi wara lo so be ti mbi aye lo so. Mbi gbu lo, maboko ti mbi angba na tere ti lo, mbi gue na lo ngbii na ya ti da ti mama ti mbi, na ya ti kubu so mama ti mbi amu ngo ti mbi daa.

B. ti abia 5:2

Mbi yeke lango, me be ti mbi ayeke ku. Mbi ma kamba ti be ti mbi apika yanga ti da. Zi na mbi yanga ti da, ita ti mbi ti wali, mo so mbi ye mo mingi so, mbipa ti mbi, mo wali ti mbi so mo yeke nzoni kue so. Ngu ti pere akanga li ti mbi kue, kua ti li ti mbi kue ayeke na ngu ti pere ti bi.

Ésaïe 43:1

Me fadeso mo Jacob, lo so lo sara mo, mo Israel, lo so lo leke mo, tënë so KOTA GBIA atene ayeke so: “Mo sara mbeto pepe, mbi zi mo awe, mbi iri mo na iri ti mo, mo yeke ti mbi.

Matthieu 14:27

Gi na pekoni, Jésus atene na ala: “Ala de be ti ala, so mbi laa! Mbeto asara ala pepe!”

Marc 10:51

Jésus ahunda lo, atene: “Mo ye mbi sara nyen na mo?” Waziba ni akiri tënë na lo: “Wafango-ye, sara si mbi kiri mbi baa ndo.”

Nzoni Tënë so Luc asu na mbeti 10:41

Me Kota Gbia akiri tënë na lo: “Marthe, Marthe, mo yeke gi be ti mo si mo yeke do tere ti mo ndali ti aye mingi.

Jean 1:38

Jésus abaa ndo na peko; lo baa so ala yeke mu peko ti lo, lo hunda ala, lo tene: “Ala yeke gi nyen?” Ala kiri tënë na lo, atene: “Rabi, mo yeke lango na ndo wa?” – Nda ti Rabi ni atene “Wafango-ye”. –

Jean 1:49

Natanael atene na lo: “Wafango-ye, mo yeke Molenge ti Nzapa! Mo yeke gbia ti Israel!”

Jean 10:3

Wabatango yanga ti gbagba ni azi yanga ni na lo, ataba ni ama go ti lo. Lo iri ataba ti lo na iri ti ala oko oko si lo sigigi na ala.

Jean 11:28

So Marthe atene tënë so na Jésus awe, lo kiri, lo iri ita ti lo Marie si lo tene na ya ti mê ti lo, lo tene: “Wafango-ye ayeke na ndo so, lo iri mo.”

Jean 13:13

Ala yeke iri mbi ‘Wafango-ye’ wala ‘*Kota Gbia’, so lege ni laa, ngbanga ti so mbi yeke Wafango-ye si mbi yeke nga Kota Gbia biani.

Jean 20:28

Thomas akiri tënë na lo, atene: “*Kota Gbia ti mbi na Nzapa ti mbi!”

Jean 3:2

Lo ga lo baa Jésus na bi si lo tene na lo: “Wafango-ye, e hinga so Nzapa laa atokua mo ti fa ye na e, ngbanga ti so, tongana Nzapa ayeke na zo pepe, zo ni alingbi ti sara aye ti kpene so mo yeke sara so pepe.”

Jean 5:2

Na Jérusalem, nduru na yanga ti gbagba ti gbata ni so iri ni Ti-ataba, mbeni ngu ayeke daa, iri ni na yanga ti hebro ayeke Betzata. Averanda oku ayeke na tere ti ngu ni.

Jean 6:25

Azo ni awara Jésus na mbage ti ngu ni si ala hunda lo, atene: “Wafango-ye, mo si ge lawa?”

Awatokua 10:3

Mbeni lâ, na ngbonga ota ti peko ti bekombite, mbeni *ange ti Nzapa asi na lo na ya ti mbeni ye tongana bango-li si lo baa ni mbirimbiri. Ange ni airi lo, atene: “Corneille!”

Awatokua 9:4

Lo ti na sese si lo ma mbeni go so atene na lo: “Saul, Saul, mo yeke sara ngangu na mbi ngbanga ti nyen?”

1 Samuel 3:10

KOTA GBIA aga aluti; lo iri ndo tongana ti kozo, lo tene: “Samuel, Samuel!” Samuel ayeda, atene: “Tene tënë, mbi zo ti kua ti mo mbi ma.”

1 Samuel 3:6

KOTA GBIA akiri airi Samuel ti fani use ni, atene: “Samuel.” Samuel alondo ague na tere ti Heli si atene na lo: “Mbi laa; mo iri mbi?” Heli akiri tënë, atene: “Molenge ti mbi, mbi iri mo pepe; kiri, mo gue, mo lango.”