Jean 2:9 - Mbeti ti Nzapa - Tënë so amu fini

⁹ Kota zo ti li ti matanga ni atara ngu ni, andaa aga vin awe. Lo hinga ndo so vin ni alondo daa si aga pepe. Me gi azo ti kua so ato ngu ni laa ahinga tënë ni. Tongaso lo iri koli ti mungo wali ni

Jean 2:9 ပူးပေါင်းရင်းမြစ်များ

Abia (Psaumes) 119:100

Mbi hinga nda ti aye mbi hon akangba kue, ngbanga ti so mbi sara ye alingbi na andia ti mo.

Matthieu 27:34

Aturugu ni amu vin, ala zia mbeni sengo ye na ya ni si ala mu na Jésus titene lo nyon. Jésus atara ni kete si lo ke ti nyon ni.

Matthieu 9:15

Jésus akiri tënë na ala: “Azo so a tisa ala na matanga ti mungo tere ti koli na wali, fade ala lingbi ti duti na vundu na ndembe so koli ni ade na popo ti ala? Oko pepe! Me ambeni lango ayeke ga so fade a yeke mu koli ni na popo ti ala, a hon na lo; na ngoi ni so laa fade ala yeke ke kobe.

Jean 2:8

Jésus atene na ala: “Ala to mbeni ngu ni, ague na ni na kota zo ti li ti matanga ni.” Ala to ngu ni, ague na ni.

Jean 4:46

Jésus akiri na Kana, mbeni kete kodro ti Galile. Kâ laa lo mu lani ngu, lo sara si aga vin. Mbeni kota zo so ayeke sara kua na gbia kâ, molenge ti lo ayeke na kobela na Kapernaum.

Jean 7:17

Zo so aye ti sara ye so be ti Nzapa aye, fade lo yeke hinga atene, ye so mbi yeke fa alondo na Nzapa wala mbi yeke tene gi tënë so alondo na mbi wani.