Jean 2:6 - Mbeti ti Nzapa - Tënë so amu fini

⁶ Kâ, ambeni kota ta ti sese omene ayeke daa. Azuife ayeke to ngu na ya ni ti *sukula sioni na tere ti ala. Ta oko alingbi ti mu litere nduru na ngbangbo oko.

Jean 2:6 ပူးပေါင်းရင်းမြစ်များ

Nzoni Tënë so Luc asu na mbeti 16:6

Zo ni atene: ‘Kota ta ti mafuta ngbangbo oko.’ Ndombe ni atene na lo: ‘Baa, mbeti ti yongo ti mo laa. Mo duti hio, mo su na le ni baleoku.’

Jean 2:7

Jésus atene na azo ti kua ni: “Ala tuku ngu na ya ti ata ni, asi.” Ala tuku ngu na ya ti ata ni, asi.

Jean 3:25

Andaa papa alondo na popo ti adisiple ti Jean na mbeni zuife na ndö ti tënë ti *sukulango sioni.

Efeze 5:26

Lo sara tongaso titene Eglize ni aga nde si aga nzoni kue. Titene Eglize ni avuru tarara, lo sukula ni na ngu nga na lege ti tënë ti lo,

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

Ahebro 6:2

tënë na ndö ti abateme, tënë ti ziango maboko na li ti azo, tënë ti zingongo ti akuâ na tënë ti ngbanga so Nzapa ayeke fâ ande na li ti azo biani biani.

Ahebro 9:10

Aye so kue ayeke gi asenge ndia ti azo, andia so ayeke na ndö ti tengo akobe, na nyongo ye, na tënë ti *sukulango asioni nde nde. Ndia so ayeke ngba ngbii asi na ndembe so Nzapa asara titene ye oko oko kue akiri aga fini ni.

Ahebro 9:19

Moïse ato mbela ando na azo ti Israel na atënë ti ambela oko oko kue alingbi na ndia. Na pekoni, lo mu mene ti akete bagara na ti akoli-ngasa, lo mu nga ngu, kete keke ti *izope nga na ambeni bengba kua ti tere ti taba, lo yoro aye ni na ya ti mene ni si lo wani, lo fi na tere ti mbeti ti *Ndia nga na tere ti azo kue.