Jean 2:5 - Mbeti ti Nzapa - Tënë so amu fini

⁵ Tongaso mama ti Jésus atene na azo ti kua ni, atene: “Ala sara ye so kue lo yeke hunda na ala.”

Jean 2:5 ပူးပေါင်းရင်းမြစ်များ

Tongo nda ti aye 41:55

Tongana nzara agbu azo ti Ezipte kue, ala dekongo ti hunda kobe na maboko ti Faraon. Lo tene na ala: “Ala gue, abaa Joseph. Ye so kue lo yeke tene na ala ti sarango ni, ala sara ni.”

Tongo nda ti aye 6:22

Noe asara ye ni tongaso. Lo sara ye ni alingbi gi na yanga so Nzapa amu na lo.

Ezekiel 12:7

Tongaso, mbi sara ye ni alingbi na yanga so KOTA GBIA amu lani na mbi. Na kota lâ, mbi sigigi na akungba ti mbi tongana ti zo so a gbu lo ti gue na lo na kodro wande. Na lakui, mbi koro du na maboko ti mbi na ya ti gbagba ni. Na bi so avuko pitipiti, mbi sigigi na akungba ni si mbi yo ni na ndö ti go ti mbi na le ti azo kue.

Matthieu 12:46

So Jésus angba ti tene tënë na gba ti azo so, mama ti lo na a-ita ti lo asi. Ala yeke luti na gigi, ala yeke gi lege ti tene tënë na lo.

Jean 15:14

Tongana ala sara ye alingbi na yanga so mbi mu na ala, ala yeke amba ti mbi so mbi na ala e ye tere.

Awatokua 9:6

Me mo londo, mo li na ya ti gbata ni. Kâ, fade a yeke fa na mo ye so mo lingbi ti sara.”

Ahebro 11:8

Na lege ti mabe, Abraham ayeda na iringo so Nzapa airi lo, lo ma yanga ti Nzapa si lo zia kodro ti lo ti gue na mbeni kodro so Nzapa aye ti mu na lo titene aga ti lo. Abraham amu lege ague, ataa so lo hinga ndo so lo yeke gue daa pepe.

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

Awafango-ngbanga 13:14

Fade lo yeke te le ti *vinye pepe, lo yeke nyon vin wala ngangu samba pepe; akobe so ayeke *sioni, lo yeke te pepe. Alingbi lo bata atënë so mbi mu yanga na lo ti sara so.”

Ruth 3:6

Ruth ague na le ti lakere ni si lo sara aye so kue kogara ti lo amu yanga na lo ti sara.