Jean 2:14 - Mbeti ti Nzapa - Tënë so amu fini

¹⁴ Na ya ti kota da ti Nzapa, lo wara azo ti kango abagara, ataba na *ambipa; lo wara nga azo so aduti na tere ti meza si ala yeke sanze nginza.

Jean 2:14 ပူးပေါင်းရင်းမြစ်များ

Ezekiel 36:38

Ando, na ngoi ti akota matanga, anyama ti mungo na *sandaga asi singo na Jérusalem; a yeke ga na ala na lege ti bongbi ti ala. Agbata so abuba ando, gba ti azo ayeke kiri ti si singo na ya ni legeoko tongana anyama ni. Tongaso, fade azo ayeke hinga atene, mbi laa mbi yeke KOTA GBIA.”

Marc 11:15

So ala si na Jérusalem awe, Jésus ali na ya ti kota da ti Nzapa si lo to nda ti tumba azo so ayeke ka ye na ala so ayeke vo ye na ya ti kota da ni. Lo kinda na sese ameza ti azo ti sanzengo nginza na angende ti azo ti kango *ambipa.

Marc 11:17

Na pekoni, lo fa ye na azo ni, lo tene: “Mbeti ti Nzapa atene: ‘Fade a yeke iri da ti mbi da ti sambelango Nzapa ti amara kue.’ Me ti ala, ala sara si da ni aga du so azo ti nzi ayeke honde tere ti ala daa!”

Jean 2:15

Tongaso lo mu akamba, lo leke na fimbo si lo tumba ala na ataba ti ala na abagara ti ala na gigi. Lo tuku nginza ti azo ti sanzengo nginza na sese, lo kinda nga na sese ameza ti ala.